求救 !!!LG 37LD450 有無得駁喇叭輸出 ??

sai kit

2011-02-20 10:42 pm

新買左部37LD450 ... 但抵受唔到佢主機既喇叭...想自己插個2.1

但說明書又話後面D位係無audio output... 得input

最多都係得optical audio output

有兩個問題想向各位求教..

1 . 仲有咩方法 . 可以比我駁到喇叭出聲?

(假如有得駁既話) 2 . 我屋企有對2.1 但係用銅線駁的... 如果我想駁落電視 , 可以點做?

如果有擴音器 , 係咪就搞得掂 ?
唔該晒 >.<!!!!!

回答 (1)

島耕作

2011-02-22 5:13 am

✔ 最佳答案

1. 只好買個有Dolby Digital解碼既擴音機,用光纖線連接電視機既optical audio out,再用銅線接一對喇叭先可以出到聲.但係咁買最低限度都要幾千蚊.但好處係你可以接夠5.1喇叭,建議你可以去鴨寮街搵下有冇二手既.
2. 唔知你指既銅線係就咁喇叭線定係紅白線.用喇叭線的話你可以接去嗰部有解碼既擴音機,不過要留意抗阻,細抗阻喇叭例如4 ohm既如果接上只支援8 ohm既擴音機會有燒機危險.
如果你既喇叭係紅白線輸入嗰種,咁代表佢已經內置咗擴音,但就冇Dolby Digital解碼.以前係有一種單獨Dolby Digital既解碼器的,但已經停產咗好耐,應該好難搵.不過你可以去買個幾百蚊既機頂盒,用佢做解碼,俾訊號對喇叭,HDMI就接電視.但係呢類喇叭音質通常麻麻,可能唔好得你部電視幾多.

👍 0 👎 0