自學結他問題20點

我都係一個自學結他既人，所以如果我既答案唔太專業既話請見諒～

呢個係點樣睇呢?我知道啲「P」「I」「M」「A」係咩手指，但係唔知啲「EBGDAE」
係結他六條弦既邊度，可唔可以解答下我呢?

「EBGDAE」係結他6條空弦既音名，由上面數落來第一條E，就姐係結他最努個條，B就係第2幼個條如此類推。呢個譜姐係叫你左手唔按弦，右手跟住去彈個幾個順序，訓練勾指

個網話比我聽:「初學者買幾百蚊既結他就可以。」
我係小朋友，係唔係應該買啲細個啲既哩?[我係琴行見到]

細個D…唔係幾清楚你細既定義，首先新手一開波買結他就有咁平得咁平，木結他的確可以200蚊起跳，自然各大琴行抽水位唔同而會高D，樓上（下）創毅個間琴行係有一個250幾既木結值得留意，BUT個位置偏僻D（我去過個度幫學校買BASS），我亦都有部木結諗住放＄100（轉左去玩電結後冇用過）你想可以搵我～好，返返細D個問題，木結他較主流有41寸同38寸2隻SIZE，不過SIZE唔會造成影響，一個美國7～8歲細路都可以將一枝有佢一半身形既電結玩到飛起。
如果你話係真係好細、4弦個種，個種係夏威夷小結他，係另外一回事。

我依家六年級，又就黎呈分，係唔係唔應該買黎用住先哩?定一話等我
熟習啲先哩?但係冇結他又好難練，唉~好難揀呀~

其實好似六年級呢D已經呈緊分既階段，就真係唔好拈其他野住，專心搞拈好D試，自然你成績冇問題既話就可以去玩下。熟習，就真係要拎住支結他日日練先會熟，一唔係點都唔會熟，SO？想學一定要買…

洗唔洗買幾本教學書同幾本練習書呢?

有自然好，冇都唔洗理，與其攞錢去買書，仲不如去社區中心報一期CHEAP CHEAP地既結他班（50～280左右），進度雖然慢D，但絕對好過你自己對住本書，D啊SIR通常好好人的。再唔係EMAIL來問我，我會答到係我能力範圍內既野。

我學過一年琴，仲有參加木笛隊，呢啲對我自學結他有冇用呢?

有…但係唔多，如果你有認真上既話，你樂理方面應該會有一定基礎，可能會容易理解D譜；但對你實踐自己落去彈時唔會有太大幫助。

啲結他弦會唔會斷?邊度有得買?

會！絕對會。壽命會由你既環境（潮唔潮溼）同你點對你枝結他而定（有冇放防潮包ETC．）弦就各大琴行有得買，通常20幾～40幾左右，視乎抽水情況而定。

順便講多幾句…由於我都係自學，我只可以咁同你講，結他真係要練。最好一日一粒鐘，好似樓上位月仁兄所講，要睇你走邊條路線（古典，流行（民歌），電）電同流行我都可以幫到你，但古典我就愛莫能助了。總之，歡迎你ADD我MSN同fd（[email protected])，自學結他真係會有小小難度，加油！

2011-02-20 23:05:01 補充：
「EBGDAE」係結他6條空弦既音名，由上面數落來第一條E，就姐係結他最努個條，B就係第2幼個條如此類推。呢個譜姐係叫你左手唔按弦，右手跟住去彈個幾個順序，訓練勾指

sor…打錯字，係最「幼」個條

估計你係新手啦^^初學者第一次學吉他可以唔使太貴, 大約$3xx到7xx 音色和手感都可以
你可以留意下以呢間, 佢地有得學結他AND買結他,
學樂器 一個月都係 $550 一對一都可幾好O既.而且佢地也有不少靚款XX賣,d 野幾平, 幾好,教你d 野點用,你可以入去佢地的網店睇睇^^
如果再有不明,你亦可打比佢地,.佢地資料希望幫倒你.<<創毅樂器>>http://www.edmond-music.com/地址:葵興葵昌路18-24 美順工業大廈10樓A座06室工作時間:10:00AMP - 6:00PM電話: 5139 4324

你好~雖然我係玩bass嘅,但希望我可以答到你guitar嘅問題^^
「E B G D A E」係guitar每一條弦。最粗嗰條係E,第二粗係A,第三粗係D,如此類推
你諗清楚自己係想玩電結定木結先。其實電結好多野要set,但本人鍾意電結多過木結
如果你想之後都繼續玩guitar,我建議你去琴行或者音樂中心學。因為我驚你手勢錯,一錯就好難改。重有你自學學學吓就會發現好多skill都唔識。
guitar弦係會斷,不過唔易斷。琴行有得買弦。但換弦嘅方法我都唔係咁清楚,幫唔到你...