緊急求救....假結婚

點解你做人咁矇查查呀?
咁當年究竟佢地點解要搵你假結婚,是否目的就係可以申請個廣西女人來香港呢?
如果佢地咁做只係等個女人合法來香港,你收左錢都唔需要逃避吖,只要你唔再結婚就無問題,既然你都知道自己身份證同回鄉卡都俾人影印埋,點解你唔紀錄低你掛名老婆的資料呢?
你都有上去同個女人搞結婚證書,咁即係政府有晒你的紀錄啦,如果你想同現在澳門女朋友正式結婚,一定要同掛名老婆辦妥離婚手續先至得呀!
你自己想清楚,試試想辦法聯絡返掛名老婆或者佢鄉下的家人,睇睇大家點樣解除婚約離婚啦,不過唔好再搵以前的中介人咯,呢d唔係善男信女,一來佢地未必會再理你,二來怕佢地可能乘機屈你錢添!
05年到現在都5-6年了,無人告發都唔會再追查你結婚是真是假了,就當大家分居咁多年已經係離婚的理由啦,其實個女人都唔想成世做你掛名老婆喎,可能佢都想同你離婚先可以再嫁人,或者佢都希望大家正式搞清楚呀!

2011-02-19 10:08:01 補充：
你地註冊結婚已經係正式夫妻,搵返個掛名老婆都要夾口供,只可以講當年意見不合分開左,依家要搞離婚,千萬唔好同人講係假結婚,否則查到呃政府妨礙施法公正係有罪,兩個人都要坐監呀!