拍拖很悶??攣定直??三分鐘熱度??

我以前有鍾意過女仔
但唔知幾時變得好似鍾意左男仔
所以覺得本身自己其實係gay
但未同過男仔拍拖
有睇過g片同a片
係今年新年既時候我同一個女仔開始左
諗住希望可以因此變番直
一開始既時候我對佢好有感覺
但係依加拍左差唔多個幾禮拜拖
佢第一次錫我既時候
我唔知點解無咩感覺
同佢拖手亦都唔會有觸電既感覺
甚至覺得平時同佢做埋d普通情侶會做既野既時候
好似格式化左咁...無特別感覺
我唔知自己係咪一時衝動同左佢一齊??
但係我知佢應該係初戀
我有一次整野俾佢食既時候...佢突然攬住我話唔好對佢咁好
佢又唔識整野食...驚還唔到俾我
佢又話驚第時如果分左手佢會好內疚
我依加覺得好似已經傷左佢咁
雖然同佢一齊既時間真係好短好短
但係潛意識有d開始覺得拍拖係一個包袱
點解會咁?其實我係咪唔應該同佢一齊???
我係咪做錯左??

另外...一個正常男仔俾女仔拖或女仔鍚既時候
係咪會有觸電既感覺...甚至有生理反應??
因為我試過攬住男同學既時候有觸電既感覺:(

希望有人開解下我!!