Jazz - 無段變速攪到去到D波就侄油

無段變速波箱大部份都要用番原廠波箱油, 因為同其他自動波箱好多係用幾間大嘅外判嘅波箱製造商唔同, 無段變速波箱通常係車廠自己開發或者同波箱生產商共同開發, 差不多可以話一款無段變速波箱只係為咗一款或者同廠某系或用某副引擎嘅車嘅型號而開發. 所以波箱油都有好指定嘅配方.

唯有講個好不幸嘅消息你知 -- 你話放咗嗰D自稱有救無段變速波箱用嘅油, 好大機會呢種油會加速你個波箱嘅損耗.

你嗰種應該唔係疾油, 而係波箱嘅皮或鋼帶跣, 所以架車時去時唔去. 如果問題唔嚴重, 可以試吓(盡快) 攞去專整Jazz 嘅相熟車房, 或者攞番原廠, 即刻換過晒新嘅原廠波箱油 (唔係普通Honda自動波箱油, 一定係要CVT 波箱油!)

仲係有問題, 咁就一定要抬波箱. 原廠人工貴過出面數以倍計. 如果你有相熟車房可以識整識用正確波箱油而又揾到一副翻新嘅波箱, 會係最平方法. Good Luck.