電單車新手考車等問題

(1) 兩隻車考既野都係一樣, 先要考筆試, 跟住一定要報讀一個強制課程, 要考開車, 停車, 左右轉彎, 同急停. 運輸署考官認為你合格後, 你先至有個學牌出路面學車. 路試包括斜路打八字, 斜路開車停車, 同路面考試.
(2) 電單車唔同私家車, 除綿羊外, 所有車都係手波車, 所以考手波會好D, 考完綿羊只可駕綿羊, 轉手波要由頭考過, 唔實際.
(3) 駕駛學院約5000-6000蚊啦, 出面可以平D. 不過電單車多數都係駕駛學院考.
(4) 第一年只會得個P牌, 唔可以載人, 要前後掛住個P字, 時速唔可以過70, 三線或以上的高速公路唔可以用第三線, 一年內犯會被扣分的事項 (3分或5分) 會加長P牌期半年, 再犯即時取消個駕駛執照. 而一年內犯一次嚴重違例事項 (會被扣分10 或以上的事項), 即時取消駕駛執照, 要重新考過.
(5) 電單車唔同私家車, 比得起, 第一架係新車好, 唔係全新車, 都要越新越好, 技術好左之後, 先至玩D舊D既車, 安全至上, 新手要應付操控, 路面情況, 唔可以再比駕車任何行駛中的小毛病影響駕駛.
(6) 我經常都上 www.ibike.com.hk

祝你早日考牌成功, 同埋買到心頭好.

聽人講駕院做緊promotion wor, 你打去問問 la!

補充一點
考強制試是要在政府指定之駕駛學院場地內考，指定的只有兩間，
一：香港駕駛學院
二：觀塘駕駛學院
兩間學院價錢、質素不一亦各有優點
不在此賣廣告