休閒生活>汽車>死火問題

泊位是工多藝熟
多練習便可

師傅幫你踩brake 減慢車速
是個唔好師傅, 因為佢講極都唔明, 出口唔掂唯有出腳.
考牌個日無佢踩brake 你點算.
換過個師傅啦

棍波車落斜倒後泊位, 除左停定一刻, 其實真係無必要落迫力, 好小車可以做到慢速一波/後波上斜加迫力都仲可以行到. 泊位時咁慢, 吊極力子控制速度好合理.

但係師傅踩迫力, 就明顯認為你車速過快. 要緊記, 你係準備考牌, 倒車要非常非常慢, 不斷望鏡. 我估你係以為車速OK (一個實際駕車的常用倒車速度), 但考牌官就會覺得太快, 原因係你新牌, 而且倒車盲點多, 考試時候, 一定要做比佢睇你會好慢倒車, 可以一腳停.

希望我無理解錯啦.

本人已經駕駛棍波車有 8, 9 年經驗.

2011-02-13 09:05:05 補充：
如果車速太快, 收晒油, 踩少少極力子, 慢速上斜, 好快架車會因無動力慢落黎. 跟住, 到唔夠力時, 鬆番少少極力子, 吊住佢, 比住少少油, 就可以慢慢上斜泊車. 最好唔好踩迫力, 因為慢車上斜, 架車會好快停定, 你隻腳唔夠快去番油門的話, 好容易會流車, (空波滑行, 必肥).

踩迫力唔吊離合器一定會死火, 因為你架車應該好慢, 而且重係轉緊軚, 架車一定會唔夠力而死火的.

你想停定架車就更係兩樣同時踩啦, 因為慢速上斜嘛. 比如第日考到牌, 真係要駕棍波車, 上斜塞車, 成車坐滿人, 要停定的話, 都應同時踩盡離合器同溫柔地踩迫力.