養魚新手grg

基本設備:

魚缸、濾水器、氣泵、氣喉、水妖精、温度計、暖管、魚缸燈。


如果你想鋪沙底或者泥底用來養水草既話還要加多一些設備,

如果你想鋪沙底或者泥底要加(底喉)同埋(潛水泵)先好舖沙或者泥上面,

因為如果你唔加(底喉)同埋(潛水泵)先舖沙或者泥上面,

第時養魚果陣d魚屎同埋食剩d鱼糧跌左落缸底,

慢慢就會產生細菌,d魚遲早會死。


如果你想養水草有d水草要加CO2設備先至養到,唔係d水草會死。

不過市面上有好多平價水草,唔洗加CO2設備養都唔會死架！


揀鱼方面:

最好唔好買袋鱼,因為袋鱼好難睇到條鱼狀態好唔好。

買缸鱼時要睇下條鱼無缩旗,無d白色野痴住係旗,無爛身,
要有(追手),即係放隻手上魚缸顶成群鱼會追住你隻手,
甘代表缸鱼養定左,可以買。

如果真係要買袋鱼既話,就揀d鱼無缩旗,無d白色野痴住係旗,
無爛身,缩左旗d鱼唔好買,買左番去實死。


飼養方面:

啱啱開缸要用隔夜水,即係將d水喉水等12小時之後才放鱼。

放魚之前一定要落食用粗鹽,每10公升水落一匙,食飯盒果隻匙,
計算公升方法,水位計: 長?吋x闊?吋x高?吋÷62=?公升
d魚如果唔落食用粗鹽先至放鱼,d鱼會好容易死。

落左食用粗鹽之後將成包魚浸入魚缸等30分鐘,然後剪袋,
袋裹面d水全部唔要撈條魚入缸就搞掂。

一星期换2次水,每次換1/3,
千其唔好换太多,因為直接换水喉水d細魚受唔住太重氯氣會死,
每次換完水要加番食用粗鹽落魚缸,換左幾多水就加番幾多比例食用粗鹽落缸,
都係10公升水落一匙,係魚塲既人教我,
任何淡水魚如果唔落鹽養會好易病,好易死,由其係d細鱼。

天氣凍换水要小心,
用凍水换入鱼缸都好容易生白點,
天氣得番十幾度果陣時,要用熱水爐換水,
用手試下d水温,凍過隻手小小就可以用。
千其唔好暖過隻手,因為暖過隻手表示d水温高過36度,會整死d魚。

每日餵一次急凍紅蟲就可以,
餵魚糧都可以,不過營養無餵紅蟲甘好。
最好餵急凍豐年蝦,不過價錢貴d。

希望幫到你啦！