✔ 最佳答案
由於樓主你打住青永, 相信實際係青衣, 故有以下建議。
第一程搭港鐵由青衣站 去金鐘站 (於香港站轉車), 車費成人$11.5, 特惠 (小童、學生及長者$5.5), 車程需約25分鐘。
到金鐘站落車後用 B 出口 (添馬街出口) , 到地面後向左行幾步就見到去海洋公園巴士站。
搭城巴 629 金鐘(西) - 海洋公園(正門) 車費成人$10.6, 小童及長者$5.3, 車程約15-20分鐘, 頭班車開上午9:00。
如果係喺星期日及公衆假期去海洋公園的話可以搭D其他路線巴士可以平D車費。
例如第一程先港鐵由青衣站至香港站, 到香港站後用D出口出, 行去對面馬路中環(交易廣場)巴士總站搭城巴 90中環(交易廣場) - 鴨脷洲邨 車費成人$4.7小童及長者$2.4 於上午9:00至下午5:00開出班次會經海洋公園正門 (另外於星期六下午1:00至下午5:00都經海洋公園), 車程約25分鐘。
海洋公園自今年新景點海洋奇觀開幕(即2011年1月27日)後入口有D修改, 以前海洋公園黃竹坑正門入口是於地面, 依家入口叫海洋廣場要搭扶手電梯或昇降機去, 落巴士後有指示牌指示。另外大樹灣入口巳經關閉, 即係出入海洋公園都係要用正門。
至於海洋公園正票價成人$250(12歲以上), 小童 $125 (3至11歲), 3歲以下小童及65歲或以上香港居民免費。
中旅社有特惠票賣成人$215, 小童$108。