✔ 最佳答案
筋係冇可能移動既, 錐骨亦唔會咁易散, 如果條錐骨真係正在散, 咁樣你媽應該已經半身不遂, 但係佢仲能夠企起身行路, 條錐骨應該冇散過, 可以放心.
我唔夠膽斷定係乜嘢病, 因為有關四肢無力這個病徵, 可能性都好多喎! 例如: 吉巴士綜合症(近來冇打過疫苗就唔使驚), 肌肉委縮等, 仲有一些非常罕有的疾病, 都係會開頭四肢無力, 但係以上所說的疾病, 都係非常罕有, 正常人遇上這些疾病的機會, 萬中無一, 甚至係十萬中無一.
另一方面, 當一個人嚴重感冒或發燒, 都會四肢無力, 感覺成身啲骨散開咁, 亦係正常, 不過, 覺得啲筋正在動, 我就第一次聽聞喇.
你媽這種情況嘛, 最常見係焦慮症, 抑屈症之類, 因為心理太過焦慮, 令身體沒有製造足夠的神經傳導物以供使用, 咁樣就會搞到四肢無力, 不過, 是否這個問題, 最好由醫生作個專業的診斷再說.
一般人來說, 如果遇到你媽類似的問題, 係先看普通科醫生, 普通科醫生為免斷錯症誤了病情, 一般都會小心翼翼地check 清楚, 好多時甚至會做個詳盡的Body Check, 如果都check 唔到乜嘢病, 就好大機會係焦慮症或抑屈症之類的問題.
所以, 你可以首先帶她往見普通科醫生, 先提出她的病情, 讓醫生檢查過後, 甚至Body Check後, 如果無什麼發現, 就主動向醫生提出, 可否轉介精神科等等.