壽頭魚究竟係蟲咬,定係血絲病？

唔好甘傷心啦！條魚有可能救得番架！

我認為佢係細菌感染,我比d我醫细菌感染既方法你參考一下啦！

而家要落左黄鹽、神奇寶貝(细菌性治療劑)、神奇寶貝(淡水白點治療藥),

3種藥同時使用。

黃鹽可在旺角金鱼街(宏和水族)買,$10一包,果度d黃鹽調較得幾好。

黃鹽每10公升水落一匙,食飯盒果隻匙,

計算公升方法,水位計: 長?吋x闊?吋x高?吋÷62=?公升

神奇寶貝(细菌性治療劑),神奇寶貝(淡水白點治療藥),

呢兩種藥係旺角金魚街(大堡礁)或者(生龍水族)有得賣,跟說明書份量落就可以

如果有暧管既話加水温至30度,條魚會好得快d。


第1日落藥之後隔天换1/2魚缸水,
換完1/2魚缸水要加番第1日藥既1/2份量藥入魚缸,
3種藥都要加齊,
大約一星期d魚就會好番哂,
好番哂然後分幾日換清番d水落番普通粗鹽就ok。

d鱼無病平時换完水都加番d普通粗鹽入缸d鱼就無甘容易病,
份量都係每换10公升水落一匙,食飯盒果隻匙。

天氣得番十幾度果陣時,要用熱水爐換水,
用手試下d水温,凍過隻手小小就可以用。
千其唔好暖過隻手,因為暖過隻手表示d水温高過36度,會整死d魚。
千其唔好換d凍水入魚缸,會搞到病情更加嚴重架。

如果有活性碳要攞走,因為活性碳會吸走哂d藥力,落左藥等於冇落過一樣。

希望你條魚早日康復啦！