泳池~男仔只可穿泳褲?

康文署泳池規則有寫 :

(3)在進入泳池池面時，

• 穿上適當及清潔的 泳裝。如認為有需要在游泳時穿著T恤，請攜帶清潔及白底的T恤，在更衣室穿上才出池面。 • 應在更衣室淋浴，徹底清潔全身。 • 必須經過水簾和洗腳池，讓已加氯的清水沖洗身體上的塵埃。 • 只可攜帶 清潔乾淨的衣物進入泳池池面範圍。 • 請勿在泳池池面範圍穿著曾在泳池場館以外穿著的鞋或拖鞋。如認為有需要，請攜帶另一對清潔的拖鞋，在更衣室換上，在該處提供的地蓆上擦淨拖鞋的底部，及以清水沖去拖鞋的污垢後，才可穿著拖鞋行經洗腳池進入池面範圍。
泳池規則就咁寫,
不過, 其實個個池泳執行的鬆緊程度, 都有唔同.

因為籃球褲好似沙灘褲, 所以好多泳池, 泳客著籃球褲, 都隻眼開隻眼閉,
不過因為籃球褲始終都唔係「泳裝」, 所以泳池事實上係有權唔俾你著籃球褲落水.
所以大置上會聽聞有人著籃球褲落水, 但大家都會有機會見到著籃球褲嘅人會俾救生員捉.
所以唔好信晒上面有人講「好多人都係咁」, 可能只係佢唔知道滑浪 / 風帆用嘅沙灘褲, 係同籃球褲外表差唔多, 人地著沙灘褲, 佢就以為人地著籃球褲.
沙灘褲係 ok 嘅, 因為算係泳裝.

泳池唔俾著籃球褲落水, 係因為「衛生」問題,
因為泳裝會被視為有為了泳池衛生問題而設計, 而其他服裝就無,
而且真係會有人, 8月8 日免費時, 流浪漢走入去沖涼 / 洗衫, 平時亦會有人著睡衣落水玩嘢搵交哎, 所以為免爭辯, 就只限「泳裝」可以落水.
如果要防晒, 就只可以著全身泳衣, 或白色底 t-shirt, t-shirt 一定要乾淨嘅白色底, 男女都係, 如果唔係一樣會被人捉. 係為左防止有人順便帶衫/褲落泳池洗 .

不過個個泳池對條文嘅理解 / 執行, 都有出入.
正如有 d 政府泳池可以用自由式呼吸管 ;
有 d 就 office話可以 (條文無話唔得), 但同一個泳池的救生員照捉唔俾你落水. (因用呼吸管後, 在水內呼氣就沒有了氣泡, 如果帶了呼吸管落水, 而在水底停留一段時間, 救生員難以分辨那泳客是否有事.)
俾唔俾, 都要睇個別泳池主任點睇件事, 同埋嗰區 d 人有無試過濫用權利..


2011-02-09 17:53:15 補充：
有好多女仔都著「沙灘褲」落水, 只要嗰個女仔本身無正式學過游水, 唔可以飛來飛去, 就會唔介意沙灘褲增水阻, 呢d 女仔10居其7都著「沙灘褲」落水,

而佢地嗰 d , 往往可以只係舖頭仔賣 $20 一條, 自稱「沙灘褲」嗰 d.
咁泳池見又唔係帶褲落去洗, 而坊間真係叫佢地沙灘褲 ga wor, 所以ok.

所以男仔, 只要有號稱係水上運動的服裝, 額外著 T 要揀白色底 (即使quiksilver $400一年嗰 d 長初袖wet-suit [本身 for 滑浪/風帆] 嗰 d, 都要白色先落得水)
就 ok.

可否穿丁字褲

Yes!可以!好多人都得!

你着乜都得咖啦=.=

2011-02-08 15:51:23 補充：
大把人咁做

2011-02-08 15:53:17 補充：
着乜都得既意思系游泳裝