我媽咪撞邪!!

件事係咁既!我媽咪本身身體好健康,只係有些微高血壓!重點:佢個人就好細膽!係上年10月中,佢經友人介紹,學緊一套氣功.練功初期,我地大家都見到佢成個人精神左,咁我地就無阻止佢做呢種氣功!係上年11月底,佢去睇完我嬸嬸之後,佢返到黎之後佢就話個肚好脹.加上係呢個時候我媽咪既細妹就不幸離開左佢!雙重打擊之下,佢就相信呢種氣功可以幫到佢,長命百歲,身體健康!所以佢就做得好頻密,當我地發現佢開始做一D好奇怪既動作既時候(不停咁大力打自己),我地好幾次同佢講唔好做,呢D動作幫你唔到我地大家都以為佢真係無做既時候,我地開始發現佢身上有唔同既傷痕之後,我地就問佢呢D傷痕係邊度黎,佢就話係唔小心撞親!之後我地發現佢偷偷地呢埋咁做!果D傷痕就係做過D咁既氣功做成!我地就開始上網查下呢個氣功既資料,俾我地搵到呢一個係大陸其中一個邪教,己經有人因為呢套氣功而攪出人命!我地即刻將我地搵到既資料俾佢睇!當大家都認為佢睇完之後佢唔會再做呢D野既時候,估唔到佢唔信不突止,仲更加沉迷!我地問佢做呢D氣功對佢有咩幫助既時候!佢只係會同我地講你地唔會明架勒,你地遲D就會知道!然後再係大陸買左一個觀音佛像放係屋企係我地追問之下,佢終於肯同我地講,因為佢對眼不時睇到有一D又黃又橙既類似既鬼影,所以佢認定自己撞鬼,令到佢身體變差,佢覺得做呢D野可以幫到佢,最重要係,佢同我地講,佢話果個邪教既創辦人係觀音托世,話依家觀音大使係夢中(邪教創辦人)教緊佢點樣驅鬼,點樣令到佢身體變健康, 叫我地唔好阻止佢做,如果我地唔俾佢做,我地只會害死佢!大前提係,佢話觀音大使唔俾佢去醫院,疹所. 我地今日去搵左一個驅鬼既大師睇下有無方法幫到我媽咪,佢就俾左一D符咒俾我地,俾佢沖水飲同沖涼. 佢飲完之後係覺得好左好多. 但係佢仍然深信邪教創辦人係觀音拓世,佢會幫佢調理好佢身體,仍然做住果D古怪既動作. 我地依家真係無晒辦法.請問有無人可以幫到我地呢!