想問下有D咩交通工具可以由觀塘前往黃竹坑惠福道?

於上午7:00前由觀塘去到黃竹坑惠福道有多種方法, 較穩陣方法可參考以下方法: 第一程搭港鐵首班車6:04由觀塘站去銅鑼灣站(於油塘及北角站轉車) 車費成人八達通$9.7, 車程約25分鐘。 到銅鑼灣站後用F出口出, 到地面後轉左沿行人路行約80米到興利中心巴士站轉搭第二程車。

第二程搭頭班6:30摩頓台開出城巴72A銅鑼灣(摩頓台) - 深灣 車費成人$4.5, 去到黃竹坑巴士總站落車, 落車後向車尾方向直行第二個街口就係惠福道, 車程約15分鐘, 步行約2分鐘。 就算趕唔切72A於興利中心巴士站可以搭城巴72(車費成人$4.7), 77(車費成人$5.3) 新巴 38, 42(車費同係成人$5.6), 去到黃竹坑道40號南朗山道巴士站落車, 之後向車尾方向直行第一個街口(即南朗山道)轉右直行過咗熟食中心及一間安老院後就係惠福道, 車程約12分鐘, 步行約4分鐘。


2011-02-08 22:58:00 補充：
671頭班車由鑽石山開6:30去到觀塘區預6:35-6:40左右, 再去到黃竹坑都要預最快30-35分鐘車程, 7:00am前要到係趕唔切。

坐巴士671號直達, 不用專車.