同同性朋友(女仔)相處唔到, 點解會唔開心好痛苦?

第一, 我唔係TB....
小學到中學, 我都成日同女仔玩架~
以前個人女仔D, 愈大就愈男仔頭又好理性, 我指性格, 其實我好多興趣都係男仔野,但其實我生得個樣女仔, 幾得意...所以成日D人都以為我斯文

講番D經歷, 小學5-6年級, 班上有好嚴重的杯葛遊戲, 一個, 我認為好善良的女同學, 帶起全班男女杯葛1個女仔...其實人地冇野, 女同學利用佢幾分姿色, 搞到D男仔都幫佢一齊玩。本身好有正義感, 好想幫另外2個女仔, 不過幫唔到。我好憎咁樣, 幫唔到佢地, 又好憎分化到個女仔要逃避返學...最終發起者又唔使受罰。

中一, 有5個女仔, 同我好好朋友, 之後, 有個女仔好賤, 係咁拉人搞分化, 變左成年入面, 係咁有人受傷害...包括我, 好嬲...無野拎黎搞..

中2-3, 同一女同一男好朋友, 之後...個PAIR男女反面, 我夾係中間, 講真, 係個女野蠻, 朋友唔需要數落人, 絕成咁...覺得女仔唔岩又唔敢出聲~

中4-5, 5個女仔好朋友, 都冇咩野既...但偏偏我就成日講野整喊整嬲其中一個...ER...搞到我好驚~

F.6-7, 同一個非常好的舊同學, 女仔黎, 熟左好耐, 我好關心佢, 但之後佢唔俾我搵佢, 唔知咩事...係突然, 同我絕交~~

大學, YR 2, 俾一個女性朋友介入我同一男仔的友誼, 好信任個女仔, 將我同男仔之間的野講佢知, 因為當時同個男冷戰, 個女講野D野俾個男仔聽, 搞到我地之關係更差, 佢出賣我, 點解要係我面前扮友善?

家庭: 同媽媽關係好差, 因為佢好野蠻, 至少就喜歡打我...係悲痛下長大, 爸爸都唔幫我, 幫媽媽唔講道理, 好受委屈, 覺得野蠻女人好恐怖!我會考時父母經常嘈交...媽媽好煩, 成日冷戰發脾氣(要搵社工)

同女性親人都相處一般, 童年最快樂就是同表哥們, 好多個, 每個星期去玩, 都可以話..群男仔大~ 依家表姐表嫂覺得我唔成熟咁, 唔想理我...唔知呀..好亂,

我好想有姊妹朋友, 一直都係表面熟...女仔FD, 成日都唔搵我..但我成日好關心佢地, 所以一直心事都係同男性朋友講, 其實, 我好多異性朋友(佢地覺得我可愛WO), 佢地俾到我最真誠的友誼, 最真誠的意見...兄弟感情, 好感動...
愈大, 就會知原來有人因為鐘意我先咁做...好想搵番幾個交心的姊妹~~