Ph meter 數值顯視

你用緊既應該係電子ph錶,電子ph錶通常都要等好耐個數值先至停定落黎,

所以你第2日早上見到變化相差得很大。

你應該連續長開左2日個ph錶,繼續長開多1日,個ph變化應該唔會好大,

會都係第2日你見到既7.8幾,果支ph棒應該插入魚缸內量度最好。


每3個月最好調較一次個ph錶,個ph錶會準好多,

買一支4.0ph溶液,同埋一支7.0ph溶液,用2支溶液來較番準個錶,

先用清水洗乾淨支ph棒,然後沫乾,

先倒小小7.0ph溶液落試杯,插入ph棒,用7.0個point較到個ph錶去到7.0ph,

較準之後用清水洗番乾淨支ph棒同埋試杯,然後沫乾,

再倒小小4.0ph溶液落試杯,插入ph棒,用4.0個point較到個ph錶去到4.0ph,

較準之後用清水洗番乾淨支ph棒同埋試杯,然後沫乾,完成調較ph錶。

4.0ph溶液,同埋7.0ph溶液,旺角魚街(升輝水族)有得買。


如果你想保持ph8.0以上,你可以買支增鹼劑來調較ph,使ph值增高。