中交建 1800 (中交建同胞請入內分享)

1800快將回歸A股，本來按理應該大升至係（你係老細都想Ｄ股票高價一點賣出去吧），但今次有點唔同。Ｄ「春江鴨」同自己友一早已買晒路橋建設（６００２６３）股票，ＰＥ炒到四十幾倍。根據暫定方案，路橋股東可以用每股14.53元價錢換中交建Ａ股，又或收取每股12.31元價錢的現金。因此，中交建股票越便宜，呢班路橋「契弟」便可換取越多的股數，你係佢地，點會唔盡力壓低1800股價呢？至於壓價的藉口，無非是子公司振華重工去年虧損、國內基建投資見頂、毛利低成本上漲風險等等。

我等「艇民」當如何自處？我想，如果平均入貨價係十蚊留下，應該唔使怕，但一定唔可以心急，等中交建Ａ股正式上市後，班契弟一定會炒番起（唔係邊有錢賺）。至於等幾耐？我估一年半載起碼，真係好襟等。但閣下的情況，入貨價太高（$16），淺見覺得，除非阿爺打救，否則再等多三年都未必番唔到家鄉。

樂觀點想，您不妨買中交建當係做人仔定期存款，既有息收，又受惠人仔不斷升值，等到下一個浪（瘋狂個隻）來臨，到時一定會番到家鄉的。祝您好運！

你唔係以為等就得呀嗎?如果係咁買股票個個贏錢啦
等到你個孫生埋仔都未必到$16啦