dc 對焦問題

綠色框顯示唔到係代表自動對焦失敗.以下情況係比較難自動對焦的.
1. 主體太近, T70的正常最近對焦距離係50cm,好容易就會因為太近而對唔到焦.這時你可以開啓微距功能.最近對焦距離會縮到8cm.再唔得可以開啓放大鏡功能,咁就可以去到1cm,但留意這個距離是在鏡頭最廣角時,就算影得唔夠大想zoom大啲係唔得的,一zoom最近對焦距離就會長咗,反而影得冇咁大.
2. 主體對比度太小.一啲冇乜紋理,接近淨色既物體係對唔到焦的.你可以試下擺塊有寫字既紙埋去,對咗焦後攞翻開先影.
3. 太暗,太反光都係好難對焦的.只可以自己搵光源或者避開反光.
但有時呢啲措施未必做到,例如主體太遠又或者身邊冇光源等.這時唯有用估距離既手動對焦方式,即係你講嗰種0.5m , 1m既方法.DC仔由於景深長,這個方法有時都頗有效的.尤其你冇乜時間慢慢去搞既情況.無限遠適合影一啲好遠距離既主體例如對面海,烟花,天空等.
用手動對焦的話綠色框框唔會出現或者長期出現,部部相機唔同,因為相機唔會浪費時間去自動對焦.靠晒你自己決定距離.
留意這種方式不適合影微距,因微距景深淺估錯小小就唔準,所以最短只俾你揀到0.5m.
見到Histogram偏暗加EV係對的,網上人講既係環境偏暗,因為相機係傾向所有相都係影同一個中等光度的,環境偏暗佢會同你影光咗,所以要話俾佢聽減EV反映翻現實.但Histogram係已經影完既效果,所以暗咗就真係暗咗.
但要留意睇Histogram並唔係全部都係中間就為之正確,而應該係吻合你要既效果, 例如現場係好多高光位既,自然Histogram就應該偏右.太部份係陰影位就要偏左先啱.
以下網頁有部相機既規格
http://www.dcview.com.tw/forums/camspecnew.asp?id=954

2011-02-07 09:15:16 補充：
跟據 Histogram係見到過暗就+EV再影過,見到過光就-EV再影過,因為Histogram係反映已經影咗既影像.但跟據環境就係反轉,見到暗就減定EV,光就加定EV,因為相仲未影,你係估計相機既測光傾向.
點解建議擺張紙而唔係擺舊磚埋去係因為張紙夠薄,你貼住物體的話基本上個距離分別係十分細.物體係無限遠當然唔可以擺張紙埋去.直接用手動對無限遠就得.擺張紙既辦法通常係近攝用,一來近攝冇得手動對焦,二來遠攝的話你要搵好大張紙相機先對得到的.

2011-02-07 09:15:46 補充：
半按對焦再構圖如果唔係近攝的話一般是可行的.對焦位置其實唔一定要在主體上的,只要距離相同就可以,正如手動對焦估距離一樣.嚴格上咁樣移一移個距離係會有小小偏差的.但DC仔景深咁長,差小小其實唔會咁覺.如果係近攝只有好小地方清晰就唔好用呢個方法.
借光可能係你朋友既表達方式.我會解釋做佢地係同等距離.
測光模式理論上不影響對焦.暗地方如果對唔到焦就算你用平均測光都係對唔到焦的.

明白了....但如果想影天空，因為係淨色，所以對唔到焦，咁有咩解決方法？

另外還有一問題。上網有人話可以用一張白紙自設白平衡，但我唔係好明個原理同做法係點，因我部ｄｃ得光管、夕陽、燈泡等選擇，冇自設。
ｄｃ係唔係冇ｌｅｅ個功能？
ｔｈａｎｋｙｏｕ　ｓｏ　ｍｕｃｈ