✔ 最佳答案
內部轉職是可以的，但LCCI 2是否一個足夠的條件轉入會計部，你就要查一查。
首先，你要表現出對會計方面的興趣，及持續進修，讓你老闆覺得你真的有意上進，有意向會計方面發展，而非轉去另一個部門HEA。
另外，亦要努力做好自己依家的工作，唔好比人覺得你無心機做呢個部門，就求其搵個部門收容你。
最重要是與現在部門的人保持良好關係，你選擇轉部門只是為興趣及前途考慮，並非與同事及上司不和。這樣轉部門亦不會令上司難堪，上司亦樂意在推薦信上寫好的評語給你，讓你可順利轉部門。因為新部門的主管一定問你上司你的工作態度。
與老闆面談時，要讓老闆知道，你轉部門的原因只想在職業上有較大的空間及符合自己的興趣發展，唔好講「學以致用」，得LCCI2，識得幾多野？大把野你未識，仲要人教你好多實務上的技巧。另可亦可比老闆知，若可轉部門，將會如何進修，增加自己會計方面的知識。
老問問轉去另一個部門，多數是試下你對會計的認識，以會計作職業的決心，同埋衡量你究境真的想入會計部，還是求其一個部門。亦又可能佢覺得你更適合另一個部門，而那個部門又剛有一個空缺。你的答案將決定未來，須自行決定。
進升方面，唔駛問，你都係間公司做緊，會計部有幾多人，佢地的職級如何，是否長坐唔走那類，你都知道得好清楚（可以先事探口風），最重要，做會計要講學歷，你考多幾張paper，就算公司無位升你，都可以提昇你的職級（加高級兩個字就攪掂）。
至於人工方面，更加唔駛問，因為如果少過原先的職位，佢一定講比你聽，等佢話比你聽批你的申請，再問人工都唔遲。若你真的想在會計方面發展，起初低幾百元，咩當交學費，取經驗，然後出去搵過第二份。若然真的接受唔到，咩到時話都係想留番起依家個部門。
進修後要求高D人工呢D問題千祈唔好問，若你是老闆，個員工咁同你講，你都會覺得佢只係掛住賺公司錢。況且，在這個年頭，人工的高低，取決於供求，而非學歷及經驗。
嘗試在老闆的覺度看問題，你就知道應該點答。
