護士or會計

nursing, 之後申請黎美國做registered nurse. 美國好搵好多. 缺乏護士.不過只係注冊nurse,好搵.. 人工高過 會計好多

出去護士學校讀登記護士起碼要會考五科合格. 就算社署同醫管局無要求5科合格, 你得0分點夠其他會考有分甚至更高學歷既人爭?

會計又如何? 好多人以為會計容易賺錢, 但賺到大錢的人唔多而且辛苦. 有幾多人可以好似霍建寧咁係CPA又係打工皇帝? 會計而家多人讀, 但工作數量唔係好快增長. 而且香港已經接受內地會計師核數報告, 香港會計競爭會更加激烈.

會計一樣係講學歷及專業資格的工. 你想多d出路同人工, 就要有大學學歷、語文好及Big4工作經驗. 而家學歷通脹愈來愈嚴重, 部分細會計師樓請人唔係請HD/Asso畢業就係大學畢業, 人工唔高, 有d人做4-5年人工得一萬幾. 做會計呢行一定要做野快同進取, 快既意思係要budgeted time內做完一個engagement, 進取係盡快考到個牌(的確有唔少公司老闆係迫你盡快考牌). 唔講去會計師行做, 就講去私人機構同政府. 上市公司請個accounting officer都要大學畢業加數年big 4經驗. 去政府稅局或者庫務局都要大學畢業. 你無咁高學歷及qualifications, 其他出路就係做accounting clerk, 不過人工增長有限, 最盡都一萬幾人工.

機會係留比有準備既人. 你就咁坐起度人地都唔會比份工你. 你得0分, 有無做過d乜去增值自己令你覺得你係有能力起某行立足? 仲有要認清自己興趣性格, 護士同會計各有各辛苦, 你無興趣做好難做得好. 前途呢樣野掌握在你手上, 你唔識爭取機會, 叫人點比機會你?

護士會好D, 因為你應該去唔到big4做會計。