父母離婚問題!! :(

件事就係咁:
琴晚我呀媽冇番黎煮+食開年飯
我爸爸去完探朋友就番屋企做曬家務
煮埋飯，就好似唔開心因為媽咪去左打牌連開年飯都唔齊人
但都冇咩事
媽咪番到黎見到冇送番俾佢
(佢做保安通常會將送同埋飯裝好聽日番工食)
就以為爸爸為表示不滿就唔尊重佢，唔留飯
跟住就罵我地(可能係發洩)，又大力擺碗
話咩: 一日唔番黎食飯就乜乜乜 係都要我做曬家務先岩心意...
本來我爸爸一直都唔出聲
後來佢突然推跌曬d野落地
話佢忍無可忍，冇人罵佢(媽咪)做乜係到嘈
跟住兩個就罵起上黎
後來我媽咪入左我房同我訓
媽咪入廁所個陣爸爸同我講佢冇事
叫我唔洗驚唔好喊
到媽咪入番黎訓，跟住我爸爸就拎刀整聲
又拍門，可能係想嚇我地
結果我媽咪就報警話佢好驚
差人上黎話爸爸其實冇乜大問題，溝通下之類就走左
之後我媽咪又話而家差人都幫住爸爸，威曬
就開始話今次決定左要離婚，又問我揀邊個

媽咪話我細個個陣爸爸有打過佢，瘀曬
爸爸就話因為媽咪問候佢呀媽(姐係粗口啦)
媽咪就話冇，其實我都有印象佢有咁講過
佢話當時係因為我一句: 媽咪唔好走 人地個個有媽咪我冇媽咪
而家我都中二，佢話放得低，今次一定要走
我有諗過割脈，以死相勸
但係另一方面，離婚可能會令佢地開心d
唔洗嘈交多過食飯
但係又有邊一個做女唔想要爸爸媽咪嫁?
所以我而家都好徬徨唔知點
講真佢地真係離對我會有好大影響
媽咪講到明佢唔會要呀哥，因為呀哥成日好惡罵佢
兩個又打過架，打到媽咪瘀曬
而我就係個好情緒化ge人，就算好小事我都會喊一餐
我到底可以點?!