Sony鏡頭...

✔ 最佳答案

兩支鏡頭都係E mount.即係只可以配Sony既冇反光鏡相機或者可換鏡頭攝錄機.
16mm F2.8最大特性係夠薄.大部份買得Nex機既人都係貪佢夠細部.鏡頭自然都係越扁越好.變焦鏡的話好難做到咁薄,所以每部市場上既可換鏡DC都一定會有支鏡可以配.
定焦另一個好處係光圈可以做得比較大.低光時有利增加快門速度.不過支鏡得16mm缺點係比較適合影風景,冇zoom鏡影遠嘢咁方便.影人的話要哄到好埋下,而且咁wide桶狀變形會比較勁,影人會怪怪地.而且又冇防手震,低光手持拍攝會冇咁好.
至於另一支18-55mm F3.5-5.6就係一支多用途鏡頭.廣角雖然冇16mm咁wide,但18mm其實都好OK.而且係變焦鏡可以zoom.唔駛下下行來行去.有啲遠景亦冇得俾你行埋啲的.雖然支鏡光圈比較細,但係佢有防手震,只要唔係影啲郁緊既嘢,對手持拍攝係好有用的.不過最大缺點就係好大舊,所以都有唔小人唔理咁多淨係配支16mm餅鏡就算數.

回答 (1)