有甚麼方法可以改善數學成績？

首先，你要確定你自己對數學吾同topic既理解程度，假如果個topic好多題目都吾識做既話，姐係你concept未夠清。數學係一科講求理解既科目，如果你理解吾到果條式或者果條數究竟想問你咩，想你答咩，根本係無從入手。
最基本既當然係要記清楚吾同既公式啦，有d公式可能比較複雜，好難一時三刻就背到。但如果果條公式有推論得出既，可以嘗試睇睇佢，了解左條公式究竟發生咩事會幫助你既記憶。另外，比較實習性d既方法，只有不停反覆做同一類數，直至你熟識類似問題既模式以及運用公式既方法，一條公式用得多自自然然就可以牢記入腦。
無論係小學，中學，甚至大學既數都係一樣，溫數學淨係睇係冇用。當然你岩岩學新野既時候要睇下條式同埋一d例題啦，但最終要數學做得準，做得快，都係要靠平時多既練習。書既練習一定吾會夠，邊一個topic既數吾熟就去買d練習返黎做，要成績好呢d錢冇得慳。
除左補習外，遇到吾明既地方拎出黎同d同學討論下，如果有同學可以即刻答到你幫到你固然係好啦。即使同學都吾太明，大家一齊諗一齊傾既過程亦都可以訓練到你大腦邏輯上既發展，最終諗到的話仲可以好深刻咁記住添。
假如數學既天資吾係好好既話，就只可以咁做，吾好怕羞吾好怕煩。最後個人認為最有用同有效既方法都係多d做數，做得多自然識，我之前出去考會考都係咁。
希望幫到你啦，有d都係我個人既經驗。

我的數學成績不太好，有甚麼方法可以改善？（

Practice more is the only way and do correction when you make mistakes.

If you do not understand any question, ask your teacher or your classmates or schoolmates.