請問殲-10戰機的性能戰力究竟如何?

殲10A型戰機，即係有六條好似搵膠水黐上去既加強肋嗰架戰機，已服役幾年。據聞殲10A作為先導機型，部署數量唔會好多。呢架飛機係單引擎，三角翼主翼及前翼佈局，呢類佈局既戰機傳統上就係航程短、載彈量較低，幻影系列就係最好既例子。殲10A既航電都算幾先進，用既係南京某研究所研發既14XX(確實型號唔記得左)型雷達，據聞此雷達以俄國較先進既雷達為基礎發展，可以追蹤4個及攻擊2個目標，但呢隻雷達始終都係機械式，與現代第一線戰機既相控陣雷達有代差。雖然如此，但據聞殲10A已可掛載主動彈，亦應該已裝備傳說中既頭盔瞄準具，戰力不錯。值得講下既係殲10A有國產既四餘度電傳飛控系統，即係用電線作為全機既控制網絡，呢個係世界頂尖科技，全世界只有少數幾個國家可自己研發此系統，甚至有傳聞話殲10A既電傳飛控係用光纖，如果係真就獨步全球。

殲10B仲未服役並繼續試飛中。呢架機與A型既最大唔同就梗係無左膠水加強肋，換裝既係外型非常優美既DSI進氣道，令成架機忽然有型左N倍，有傳言話B型會裝相控陣雷達，雖然唔知真假，但即使依家係假都應該唔會係太長遠既事。

殲11主要有A及B兩個型號，A型係早期型，由俄國授權沈飛組裝既簡單版Su-27。據聞最早期既殲11已退役。殲11B亦已開始部署，不過又有消息話呢款機因發動機問題未能大量服役，但呢個應該唔係大問題。大陸試飛殲20時連新發動機都敢用，証明較舊既太行型渦扇十應該已經可用。殲11B當然可以帶主動彈及先進紅外導引彈等，不過此型戰機應該未裝備相控陣雷達，未來會否換裝亦不得而知。

據漢和等雜誌報導，中國既三代機接近400架，數量係亞洲第一，而且中國空軍既換裝只會加快唔會減慢，未來中國空軍必會成為世界上其中一支最先進既部隊。