假卡刑期一問...急急急,thx!!

你都唔講清楚案情, 好難準確答你噃. 乜嘢係 “…沒有任何人既損失…”?即係 “走去碌卡但唔成功”? 定係 “成功咗但贓物被起回” 所以無人有損失? 除咗用假卡, 佢有無藏有假嘅 / 他人嘅身份証? 重有無其他假卡在身? 呢d都有影響判幾多.淨係講用假卡呢樣. 我假設係去碌卡但唔成功. 答案係唔一定判3年. 用假卡並無刑期指引, 只係在R v Chan Sui-to 一案中由楊鐵樑法官訂下咗要考慮嘅因素. 我參考過Chan Sui-to, Watt Siu-hung 及 Chan Cho-hei等用假卡而唔成功案例,都採用咗12個月嘅判刑起點. 所以單單以用假卡, 你朋友會被判12個月.
區院係無 "最低消費"嘅. 區院 / 高院一樣可判罰錢、感化、社服令等非監禁式刑罰.佢單嘢去區院, 係因為用假卡通常會被控 “以欺騙手段取得財產” [Cap. 200 s. 17(1)], 最高刑罰係10年, 所以先去區院審.

區域法院一般3年刑起點,如果你朋友認罪就博個官減三份一。
如果係斷正都無得拗,早啲認咗就博減刑。