有關哮喘藥問題?

我都有哮喘, 由讀幼稚園開始到現在, 已經患病三十三年, 你嫲嫲所用的三種藥中, 只有一種係醫生經常開給病人用的, 就係第二隻:

beclazone 250 cfc-free inhaler

你講得岩, E隻藥係預防用, 首先講吓個藥名先:

(i) beclazone 係藥名,

(ii) 250 意思係每吸一口藥, 內含250微克(micrograms)藥量

(iii) cfc-free: 即係話這種藥裏,並無CFC分子, 合乎環保理念, 因為以前有啲哮喘藥裏有CFC分子, 而每一個CFC分子, 當從病人口中釋放之後, 可以破壞大氣臭氧層約一萬個臭氧分子, 令大氣層重傷, 無法擋格幅射, 嚴重威脅地球內的生命, 所以自三年前開始, 就不斷有含CFC的哮喘藥被國際壓力影響下停產, 取而代之, 就係啲唔含有CFC的哮喘藥被發明出產, 以上這隻beclazone, 係其中一隻, 亦是全香港最多人用的哮喘噴劑之一.

(iv) inhaler: 吸入器咁解

Beclazone 是預防哮喘用的, 如果用作急救用途, 未必有理想效果, 因為它是一種內含類固醇的消炎藥, 對治療哮喘非常有效, 可以使氣管暢通, 所以是平日定時定候吸的藥物, 而非緊急時才用.

用此藥後, 一定要用水「朗」口 , 因為它內含類固醇, 吸進肺裏的話副作用非常之少, 但係如果噴完之後唔朗口, 殘留在口腔裏的類固醇就會食咗落肚, 副作用非常大.

以一個成年人來計, 每日最多只可以吸入此藥2000微克, 由於你嫲嫲用的是250微克果隻, 所以每日最多只可噴八次, 否則過量會有危險, 而我自已就只係用緊50微克果隻, 每日噴四次, 天氣在十度以下時才每日噴八次, 已經能夠有效控制病情, 我已經係中度哮喘病人, 都唔需要用到250微克果隻, 你嫲嫲手上隻藥, 强度高我隻五倍, 是重度哮喘病人用的, 所以如果可行的話, 真係要帶佢睇吓醫生, 由醫生判定需唔需要食啲咁勁既藥. 如果你嫲嫲真係重度哮喘病人, 就一定要睇醫生, 長期依照醫生指示服藥(包括口服藥物), 否則自已亂咁食, 又用錯方法食, 好難會控制好病情, 甚至因控制唔到哮喘而有生命危險添.

最後, 如果E牌天氣凍, 令佢氣喘, 就要隨時諗諗送佢入急症室喇.


2011-02-01 00:02:33 補充：
吓! ventolin inhaler (喘樂寧)好似已經停產咯, 所以醫生幫我轉咗隻叫: Salamol CFC-free Inhaler, 但係你嫲嫲有糖尿病, 又有糖尿病藥食, 真係唔可以自已亂配藥架! 如果藥撞藥, 又或者啲藥配錯咗, 令你嫲嫲既糖尿病惡化, 咁樣點算呢?

你嫲嫲既情況比較複習, 要好專業既人先可以妥善處理得到, 揾醫生幫手啦! E啲錢唔慳得架!

002對第二種解釋左好多
依度對第一同第三種解多少少

除左類固醇（第二隻）之外
第一隻都係預防性既藥
佢同類固醇一樣係對哮喘發作個陣
係起唔到作用既
依個亦都係你嫲嫲認為佢無用既原因

而第三種其實係一種混合藥
除左第一種既成份
仲有一種商品名係ventolin既藥
因為ventolin係可以解除急性氣道收窄（哮喘發作
所以佢會覺得有用啦（要買定旁身）

2011-01-31 01:02:08 補充：
但係事實上用呢d藥係要用得其所先發揮到最大功能
預防用既平時無事都要用
急用既就急用
亂咁用會有副作用

即使係ventolin都唔應該一次噴多過8下
8下都唔得就要睇醫生
ventolin噴得多會影響心跳
嚴重可以死人

哮喘應該睇醫生同覆診
一方面醫生會比啱既藥同教啱既用法
另一方面係可以監察病情變化及時處理
唔應該亂買亂咁用

噴霧唔得既係因為有其他野令哮喘嚴重左
例如係呼吸道感染就唔係噴下就搞得掂
因為如果咩都噴下搞掂醫生全部唔駛做啦

天氣變好多人哮喘發作死得最多人亦係依個時候
特別係過年老人家有事都唔肯睇醫生唔老黎喎
結果半條人命先捨得入院
好彩就執番半條命唔好彩就半條都冇埋
小心

多謝你既意見,因為我嫲嫲仲有工作,所以去5到政府醫院買藥,佢一路都係長期糖尿病患者同長期哮喘痛患者,有食開糖尿病藥同口服哮喘藥,但果個私家醫生出支PUFF要$500,我嫲嫲負擔5起就叫佢出去藥房買,又5出醫生紙,E家combivent metered dose inhaler又停產,搞到佢買5到D醫生產方既藥,而果D禁既XX藥房仔又介紹佢買atrovent 同beclazone,好在今日問一問,但係點買ventolin都成問題.....我暫時叫佢用beclazone 250 cfc-free inhaler早晚一次,而combivent就救急用........但係用完之後,都5知點算

2011-01-31 04:08:27 補充：
更正:原來我嫲嫲九九年果陣威院出咗atrovent 20mcg同ventolin inhaler比佢,但佢冇用到atrovent 20mcg,只係食私家醫生既哮喘藥同ventolin inhaler,到E一兩年就失效,轉咗ombivent metered dose inhaler,會5會係因為佢停用咗atrovent 20mcg有關??

Beclazone Inhaler

哮喘從醫學上係一種長期病患的病症，好多時都要食一世的藥物，若然係要天天食藥，你只會見到，問題似乎可以解決，但...藥物的殘餘毒素，係會對你身體造成長遠的傷害，這祇是會把問題拖遲或轉移，無補於事！
當身體的免疫系統出了問題，出現種種不同的病症，如皮膚因食物敏感、皮膚容易起紅疹、生痱滋、牛皮癬、風癱、濕疹、甚至紅斑狼瘡、類風濕性關節炎... 等症狀，都係免疫系統做得未夠好所引至，而在營養學方面，係可以透過攝取優質均衡營養，鞏固消化系統的吸收能力，就可以提升體內的免疫系統，改善氣管敏感的情況，並可以大大舒緩哮喘的情況，甚至根治問題。
我有幾個朋友，分別都患上幾年，甚至十幾年的嚴重哮喘，現在都已經根治問題，完全可以定服所有藥物，既然你嫲嫲辛苦了噤耐，找個別人成功的方法，等佢老人家晚年過得好一點吧！需要多一點資料的話，不妨直接聯絡我。[email protected] 或 9266-4445Samuel