一百萬零一夜 原著

圖片參考：http://ngbea82.files.wordpress.com/2009/03/slumdog_millionaire_poster.jpg?w=202
《一百萬零一夜》原著小說《Q&A》既作者Mr. Viksa Swarup原著主角是孤兒，名字羅摩‧穆罕默德‧湯馬士，代表印度教、回教和英國，即現代印度的 綜合元素。一百萬零一夜齣戲，我係覺得好一般咋，佢同本書嘅內容有90%以上唔同，本書內容精彩，流暢同合情合理好多，連主角嘅女朋友跟本都唔同人。
男主角鐘意嘅人係佢第一次去嫖妓所認識嘅妓女，好想搵40萬幫佢贖身，當佢剛揾到 40萬嘅時候，呢個妓女係接客時遇上變態佬用煙頭燒傷佢身體。
妓院嘅人(亦係女仔嘅哥哥) 即時提高價錢要求40萬加埋醫藥費先可以同佢贖身。有次男主角睇報紙見到百萬富豪遊戲嘅廣告，佢認得呢嗰百萬富豪嘅主持就係嗰個變態嫖客......所以佢先要千方百計參加百萬富豪去尋仇......
就算佢連男主角點解識本書英文都有交代....因為佢曾住過兒童之家，佢係由英國神父養大，本書仲有好多好精彩感人嘅情節。
我最鍾意嗰幕係佢抱住一個因瘋狗症但又無錢醫而病死嘅朋友屍體，去到對方有錢但有唔認佢做仔嘅亞媽屋企，當時正在舉行盛大PARTY 的宴會廳，佢將條屍放係將擺滿美食嘅餐桌上面，大聲咁同個女人講：你可以唔認佢，可以唔養佢， 可以唔畀錢醫佢，但佢依家死咗，麻煩你葬咗佢....