金魚流血 請大家都下我可以點做

你條金魚係細菌感染再加血絲蟲感染。

如果你而家係浸緊藍藥水既話,先換左1/2缸水先,然後再加以下份量藥。

而家全缸落左黄鹽、神奇寶貝(细菌性治療劑)、神奇寶貝(淡水白點治療藥),

3種藥同時使用。

黃鹽可在旺角金鱼街(宏和水族)買,$10一包,果度d黃鹽調較得幾好。

黃鹽每10公升水落一匙,食飯盒果隻匙,

計算公升方法,水位計: 長?吋x闊?吋x高?吋÷62=?公升

神奇寶貝(细菌性治療劑),神奇寶貝(淡水白點治療藥),

呢兩種藥係旺角金魚街(大堡礁)或者(生龍水族)有得賣,跟說明書份量落就可以

一定要用暧管加水温至30度先掂架！


第1日落藥之後隔天换1/2魚缸水,
換完1/2魚缸水要加番第1日藥既1/2份量藥入魚缸,
3種藥都要加齊,
大約一星期d魚就會好番哂,
好番哂然後分幾日換清番d水落番普通粗鹽就ok。

d鱼無病平時换完水都加番d普通粗鹽入缸d鱼就無甘容易病,
份量都係每换10公升水落一匙,食飯盒果隻匙。

天氣得番十幾度果陣時,要用熱水爐換水,
用手試下d水温,凍過隻手小小就可以用。
千其唔好暖過隻手,因為暖過隻手表示d水温高過36度,會整死d魚。
千其唔好換d凍水入魚缸,會搞到病情更加嚴重架。

而家條魚情況非常嚴重,要快d醫先得,唔係好快會死。

希望可以救得番你條魚啦！

2011-01-29 20:38:04 補充：
如果有活性碳要攞走,因為活性碳會吸走哂d藥力,落左藥等於冇落過一樣。

你可以買d藥俾佢，之後放佢在另一個魚缸，依說明書落適量的藥。