不懂與人相處．．．

我不嬲都唔識同人好真心咁相處
我既意思唔係我好虛偽個隻，只係當人地問到我一ｄ深入少少，且關於我自己既野，我就會唔想答／講大話

我同人基本上溝通係冇問題
但多數只係講笑／傾埋ｄ無聊計
好難同到人真心溝通

可能係我成日都好想出口話人
例如：
1. 有人講d好低能既野,我多數都唔理佢(咁顯得我好cool),有時頂唔順我會出口話佢(咁我就變左衰人...)

2. 有人想講是非,但又講d唔講d
(eg.A:呀B今日乜乜 我:咁呀B係邊個? A:總之係我地班FD其一啦 我:-_-),
我又會好興,會出口話佢(我:講D唔講D,不如唔好講啦!)

詣如此類既野都會令我後悔多口，同煩住我
係我既問題，定我唔識處理？
其實我想避開Ｄ咁既人，但無耐我識既都係Ｄ咁既人黎．．．

總之，我覺得同人真心溝通唔到．．．
相反，Ｄ人仲好似惜耐左就會唔鐘意我～
====================================
其實係我F.1,2個時比人杯葛得好嚴重,
仲係咁鬧我「姣雞」但自問我連同男仔講野得1,2句
基本上都係同佢地講笑, 身體接觸係0
仲要唔係我個班,其他FORM都係咁話我
比人咁話搞到我成日逃學,唔想去面對
無人同我講過有咩問題,令我想改都改唔到

之後我就轉左校,諗住可以換個環境再黎過啦
點知F.3個時又係咁
雖然冇再咁話我,但FEEL到佢地明顯係想避開我
令我開始諗自己有咩問題,連我呀爸都話我係我既問題
但冇人話我知係咩問題...

之後F.4開始唔鐘意番學
成日逃學搞到冇F.5讀..只有自己自修先讀到F.6
係我自修個時有番下夜校
其實都知有D同學仔想識下我,什至有男仔問我令電話
但我覺得既然番咁少時間,就唔需要識人陪我啦
所以識到1個傾到計既就算
點知又係識左幾個月之後,佢突然又唔理我
我真係好唔明,點解我識親D人最後都係會孤立我

雖然最後個個人都有同番我講野,
但我已經對人際關係冇曬信心...
只係用曬所有精力去讀書
最後,終於讀番日校F.6

但去到F.6就又出現類似既問題
我都只係同以前咁,得1個叫傾得埋
同其他人只係好片面既交往
最近,我覺得有人開始唔鐘意我
什至聽到有人話我煩...
我真係唔想經過咁耐努力去考CE後
又要經歷番成個中學既命運
我再唔想比人杯葛,孤立

自問我絕對唔係會比人孤立個類LOSER樣(雖然咁講有D過份...)
而且我成日都會笑住對人,
但冇識得既人係身邊個時會完全冇笑容(比人話好COOL!?)
唯一係同人唔多EYE CONTECT
但同人冇野講個時都會講下笑

究竟點樣先可以同人真心溝通?
孤獨左咁多年(我其實一個真心既FD都冇),我真係好想有人同我真心做FD/朋友圈大少少..
好想知自己有咩問題...
同應該點處理人際關係
基本上我係唔明點解D人識我耐左(4-5個月)就開始唔鐘意我..
究竟我有問題...