王國的興起

王國的興圯被譽為比世紀帝國II更勝一籌既game
但係我玩既王國的興起,有好多與世紀帝國不同既地方。
唔知道係咪我既問題,定係我唔識調較,所以問下各位係咪都係咁樣。

由先啦,世紀II入面,每個兵所發出既聲都係獨立既,即係如果有100隻兵同時死左,你會聽到100把臨死時既聲。
王國的興起就唔係,兩隊100多人對戰既時候,唔知點解好似冇乜聲咁,得果幾10把聲,見到有好多人做左開槍既動作但係冇槍聲lo,準確d黎講即係唔夠嘈雜(feel 到),搞到我玩到冇乜feel,好似有d假假地咁。

一個單位既步兵有3隻兵,當一個單位輕傷既時候就會死1隻,重傷就會死2隻,最後3隻死哂既話就即係冇左一個單位,人口就會扣1。
奇怪既係,當將一個輕傷既步兵單位補血既時候,死左既就會返生
(玩過呢隻game既人就會知道我講緊乜)
可能隻game係以一個單位為一聲,所以每3個開槍動作我只可以聽到一把聲。
有冇人可以話俾我知我講得岩唔岩。



第二,隻game入面既隊形係冇方陣式或者長方陣式,只有橫列陣式。

無論一隊人有幾多兵都好,當你移動佢既時候,佢都會自動幫你排陣,這是隻隻戰略game都會做既事。但係,好奇怪,在王國的興起中,無論你一隊人有幾多兵都好,如果隊兵得1個兵種的話,排出黎既陣都係得2行,沒打錯,係2行。
換句話講,10隻兵,分2行,一行5隻;100隻兵,分2行,一行50隻;再誇張d,即使一隊人有1000隻兵,都係分2行,一行500隻....

再說,一隊人係沒有人數上限,所以如果要大規模單兵種進攻既話,就會極不方便。
呢度就係隻game最敗北既地方。

但係有件事非常奇怪,當我上王國的興起官網既時候,download佢個介紹片段落黎睇,咦點解佢又可以做到方式列陣同長方式列陣既?????

http://www.youtube.com/watch?v=IZEmhxXuu5o (方便起見,youtube播放)

excatly第22秒,你可以見到第1同第3隊兵都係得2行的,無論有幾多兵都好都係咁樣。但第1秒你可以見到方陣式移動喎,我試過50萬次,用過50萬個方法都做只係做到2行式橫列向前 移動,真係有冇搞錯丫~
仲有,第1分20秒至第1分40分之間,你又可以見到直長方列隊式向前移動 同橫長方列隊式向前移動


以下係從官網download既圖

圖片參考：http://imgcld.yimg.com/8/n/HA00384582/o/701101250009613873373740.jpg


有一隊3x7長方隊列經過條小河,點解我做唔到架><?
還有更誇張的




圖片參考：http://imgcld.yimg.com/8/n/HA00384582/o/701101250009613873373751.jpg

左方藍色清一色步兵以20x4橫長方陣向前推進
而我做到既永遠只係下圖右上方跪地開槍的一方,雙行或單行橫陣

圖片參考：http://imgcld.yimg.com/8/n/HA00384582/o/701101250009613873373752.jpg

有冇搞錯!
仲有d唔知咩陣,簡直不可思議

圖片參考：http://imgcld.yimg.com/8/n/HA00384582/o/701101250009613873373763.jpg

大箭咀陣.....

究竟咩事呀= =
我有d咩問題?
你地可唔可以教我點整以上點d形

講真果句,隻game真係非常唔錯架,但係d聲同d人物動作真係唔夠細膩,同埋整黎整去都整唔到個陣形出黎,隻game given既陣都係得d咩箭咀陣,橫陣同斜陣,真係冇鬼用,一d用途都冇。

唉~