貓貓食hills食到有d腥味

我而家身處台灣，貓貓係仔黎既,應該有兩三歲大。咁上個月月底我帶左隻流浪貓番屋企養,已經幫佢打左兩次"QUANTUM CAT HCP-Chlam+FeLV"(先靈貓五合一疫苗),上個月打一次,今個月又打一次。之前帶佢去打針既時候,d staff話佢係貓女,但佢明明有兩粒蛋蛋嫁ma~咁之後佢地就叫我買左隻唔知香港有無得賣既貓糧"LV藍帶精選頂級貓糧 LV PRIME BLUE"。咁頭一個月比佢食都無問題,到前兩日再帶佢去打針既時候,d staff又話佢係貓仔,佢話貓糧有分男仔同女仔食既,所以唔可以比呢隻糧佢食,話要我地買hills既"Hair ball Control"既貓糧比佢食,佢地話比呢隻人食無咁容易有尿道炎之類既病,咁因為唔知呢隻糧岩唔岩佢食,所以就問佢羅左幾包free sample番屋企比貓貓食,點知食完之後貓貓個身有好重既腥味,之前食個lv佢食都唔會食到個身有腥味,但一轉呢隻佢就有好重既腥味,我已經唔係一次過轉比佢食,都係慢慢轉比佢,但食左1日就有腥味,但我尋日唔比hills佢食,淨係比lv佢食,佢個身個d腥味又無咁重。我之前有養狗,初初都係比hills佢地食,但後來上網睇d人話hills呢隻牌子唔係咁好,話d味精好重。

Q1::先靈貓五合一疫苗,呢隻針係咪一開始既時候要打兩次???
Q2::貓糧係咪真係有分男仔or女仔應該食邊隻??
Q3::咁我係咪應該比番lv個隻貓糧貓貓食呢??
Q4::其實hills d貓狗糧係咪比其他牌子健康d??

更新1:

Q5::大家有無好似我隻貓咁既情況出現,就係食完hills之後,個身有d好重既腥味?? Q6::邊隻貓糧比較好d??

更新2:

個間獸醫診所係台灣的,我聽完之後都呆左,因為都無聽過有人咁樣講,之後我去寵物鋪問,人地都話無分男女,淨係分幼貓同成貓。因為個間野得hills同lv呢兩隻牌子既貓糧,hills賣得貴d,所以佢就一直係咁叫我買hills,佢話因為貓公會好容易有尿道炎定唔知什麼病,所以就話食hills好。因為我之前係香港養3隻狗既時候,我都有比hills佢地食,但寵物鋪d職員同我講,話hills其實唔係咁好,之後我就轉左其他糧比佢,所以獸醫診所d職員同我講話hills好,我當時就同佢講,我話hills d糧唔係咁好嫁wor~~之後佢仲問我係邊度聽番黎,仲問我係咪係電視睇番黎既。

更新3:

而家我繼續比番lv呢隻貓糧我隻貓食,佢而家個身又無之前食hills既時候所散發出黎既魚腥味啦

回答 (1)