✔ 最佳答案
最簡單最經濟既辦法﹕走去街市買兩三個攬枕,跟住走去藥房搵幾個啱呎吋既紙皮箱返來,用介刀介啱紙皮箱高低,用噴水壺噴d火酒喺紙皮箱面消毒,拉開張床少少,塞d紙皮箱入去,紙皮箱上面放攬枕,攬枕高低同床褥一樣,成事。
2011-01-25 20:37:02 補充:
andy兄,你忽略咗一點,床板三邊或者四邊係有凸出既木擋住床褥唔俾床褥走位,會頂起件板的。
如果我既A計劃唔收貨,咁就B計劃啦。走去日本城或者家庭用品店,買幾個長長地窄窄地既膠箱,濶度半呎至一呎係絕對有的,長度方面,幾個膠箱加埋一齊同張床既長度差唔多就OK,唔使太準的。高度大約低過床褥2~4吋,高低差額就走去街市賣床褥既鋪頭訂造一張特別SIZE既床褥鋪上去,今次成事掛?
床褥當然越厚越貴,所以膠箱高度唔可以比床褥低太多,低2吋就最理想。
2011-01-25 23:10:35 補充:
訂制床褥呎吋﹕約半呎至一呎X6呎X2吋,呎吋係任你訂的。