用作考牌的車為何是最細的？

每一個車輛類別, 因為有不同車廠, 不同實際需要, 都會有不同的載重, 排氣量, 大細等. 以貨車分類計, 輕型貨車係5.5公噸以下, 中型係5.5以上, 但24噸以下, 重型貨車則係24以上, 但38噸以下.

呢個係香港法例374章, 道路交通條例對車輛類別的定義的規定.

運輸署於是跟據上述法例對車輛的分類, 定下每種車輛類別考試的車輛最低要求.

舉中型貨車為例, 車輛最高載重為24噸, 但唔係街上所有中型車都係24噸, 用剛過5.5噸的車又不設實際, 所以就要取些少平衡, 於是運輸署就訂明中型貨車考試必需要用總重量不少於9噸的車, 車長, 闊, 輪距亦不得少於5.3米, 2米, 3.2米. 佢地認為, 呢組數字, 已經足夠佢地判斷一個應考司機於呢個類別車輛的睇位, 認識車身大少, 轉彎, 開車,
煞車等基本要求, 再大架少少, 基本功都唔會有明顯分別.

運輸署出左上述考試指引及對考牌車的要求後, 駕駛學院同駕駛師傅為求令學生容易合格, 於是就用到盡, 選擇一部最易操控, 最易睇位的車黎比學生學同考試. 渣開車的人都知, 車身越細, 佔用路面面積越少, 踩過界或者同其他車輛太近的機會又會減少, 輪距越短, 轉彎同掉頭越容易. 最後, 當然係, 細架D, 車價都會平D, 維修保養, 甚至係油錢都會平D. 理論上, 你可以搵人借架24噸你去學同考中型貨車, 但無人會咁笨呱. 你所提的輕型貨車, 運輸署訂明車總重不得少於2.7噸, 車長, 寛, 輪距則不得少於4.65米, 1.69米, 2米. 理論上, 已經足夠判斷呢個人可唔可以渣最大5.5噸的車.但唔係隻隻車都比人用盡的, 私家車同電單車就好唔同, 因為前者最少的考牌排氣量只需800CC, 但街上常用的考牌車ECHO/YARIS都有1300CC. 電單車最少只需90CC (呢個排氣量, 連上高速公路同隧道都入唔到), 但係駕駛學院都用緊125/150的電單車. 原因係再細的車, 真係好影響考到牌之後個新牌仔渣唔渣到一架"正常"車, 況且, 市面上都好難搵到大量呢D超細車, 搵到, 都未必平得過以上用開的車.

唔係所有體積細、短小的車輛就易於操控及於考試易過關，貨櫃車就係長擔比短擔易於操控及考試時易合格喇。

車輛愈細，愈容易通過考試(主要針對窄路調頭)。所以考車時，師傅都盡可能提供細車與考生使用。將來要駕大型車輛，就是自己之選擇。

車輛類別是有一個 range 的，不一定要用到最大的。



以前考私家車牌已經可以開客貨車，後來運輸處才改例把客貨車歸入輕型貨車類別，就是5.5噸那級。

可能細架車被撞壞了都無咁傷,細車成本低.另外車大撞到人傷D.

用細車可以更清楚駕駛人的技巧是否合格.

最後是初次學車唔會學到重型車,你一定要有基本車牌才可以再學大型車輛.