米奇魚 沉底 ,病左?!

而家要落黃鹽加水温到30度,浸佢2至3日睇下有冇好轉先,份量如下:


其實白點可用落黄鹽加水温至30度便可徹底醫治。

因為白點蟲在30度以上先會徹底死亡,

唔用暖管加水温到30度,d白點蟲好難完全死亡的。

黃鹽可在旺角金鱼街(宏和水族)買,$10一包,果度d黃鹽調較得幾好。

黃鹽每10公升水落一匙,食飯盒果隻匙,

計算公升方法,水位計: 長?吋x闊?吋x高?吋÷62=?公升

呢個方法在一星期內白點就會無哂。

如果落黃鹽再加其他藥水一齊使用,效果更好,一定要加水温到30度先掂。


天氣凍换水要小心,
用凍水换入鱼缸都好容易生白點,
天氣得番十幾度果陣時,要用熱水爐換水,
用手試下d水温,凍過隻手小小就可以用。
千其唔好暖過隻手,因為暖過隻手表示d水温高過36度,會整死d魚。

d鱼無病平時换完水都加番d普通粗鹽入缸d鱼就無甘容易病,
份量都係每换10公升水落一匙,食飯盒果隻匙。

如果浸左2至3日黃鹽有好轉,就浸到好番為止。
如果浸左2至3日黃鹽冇好轉,就要加多兩種藥入魚缸,
神奇寶貝(细菌性治療劑),神奇寶貝(淡水白點治療藥),
呢兩種藥係旺角金魚街(大堡礁)或者(生龍水族)有得賣,
即係黃鹽、神奇寶貝(细菌性治療劑)、神奇寶貝(淡水白點治療藥),
3種藥同時使用。

第1日落藥之後隔天换1/2魚缸水,
換完1/2魚缸水要加番第1日藥既1/2份量藥入魚缸,
3種藥都要加齊,
大約一星期d魚就會好番哂,
好番哂然後分幾日換清番d水落番粗鹽就ok。

希望幫到你啦！

2011-01-29 20:38:37 補充：
如果有活性碳要攞走,因為活性碳會吸走哂d藥力,落左藥等於冇落過一樣。

白點個條一定病左，其他個d可能覺得凍。白點個條就可以用藥同埋個個禮拜放d暖水落去。其他個d都應該個個禮拜放d暖水落去。