好煩惱呀!臨近新年,想買車,買邊款好呢??

我估你應該都係新牌第一次買車, 我相信有經驗既人都一定會同你講, 以你個BUDGET, 四部車都唔OK.

2-3 萬買以上任何車, 車齡一定有返咁上下, 重有係唔係耐用車種, 跟住D維修費比到你頭都痛, 絕對唔適合新手.

外形呢樣野, 見仁見智, 所以我只針對新手可靠, 易操控, 慳油, 耐用的條件比意見.

1500CC或以下日本車種一定係你首選. 小車, 睇位易, 維修平, 日本車, 耐用, 少問題, 零件足, 你個價可以買到:

10年內的COROLLA, ECHO - 出名耐用慳油, 都唔洗多講.
LANCER, CIVIC, SUNNY 都唔錯.
加多少少錢, 可以買到新D既JAZZ

雖然市面可能見到你所提的平車, 但係車價平, 望落靚仔都唔好開心住, 跟住D手尾同維修絕對番晒黎, 記緊, 2手車價低, 一定有原因.

不過, 記得買車個幾萬蚊真係微不足道, 跟住養車個個月都千千聲至驚. 所以比左車價之後, 最好都預留至少萬零蚊 (包括換油, 換消耗品, 泊車費, 牌費, 保險 (P牌保費會高D, 未夠25歲同未夠3年牌又高D), 告票, 甚至大吉利是, 拭花刮損, 架車突然有大少毛病的開支), 否則買左都用唔到.

一個小建議, 如果新牌, 新車 (未熟操控), 唔熟路, 最好唔好新年期間駕車外出, 出面太多假日司機, 又係唔熟路, 盲毛多, 期間交通意外率好高, 如果唔想威威車親友, 變成面左左, 仲要跌好多錢的話, 都係等過左年先算. 而且過左農曆新年, 零售會淡D, D人手頭緊D, 2手車價好大機會會有下調空間.

以上4部都唔太得:
1,2多年份歐州車好多野壞
3.4 d波箱又唔得兼大食
不如買架00-03mazda323操下先,又少壞