為甚麼天主教以[若20:21-23]作為告解根據?

雖然本人並非閣下期望之解答者，但仍希望嘗試回應一下。


上述經文的確係我哋天主教慣常用以JUSTIFY告解(修和)聖事 ，但仲有其他經文。簡單黎講，天主教會相信耶穌响升天前將赦罪嘅權柄授權給教會。


脈落:
1.首先，耶穌响最後晚餐時建立咗聖體聖事/ 擘餅禮 / (以祝聖餅酒形體作為其體血)，並建立咗神品(聖秩)聖事 [因為耶穌吩咐宗徒要以擘餅禮記念佢]。

2. 然後，耶穌响升天前向宗徒嘘了一口氣，並說「你們赦免誰的罪，就給誰赦免；你們存留誰的，就給誰存留。」（若20：23），由此我哋相信赦罪嘅權柄已授予當時嘅宗徒，然後响五旬節聖神降臨，我哋話教會誕生咗，宗徒係會死亡，施行聖事嘅權柄就藉教會繼承，如何繼承? 先頭我哋話耶穌响最後晚餐時建立咗神品(聖秩)聖事，初期教會已揀選繼承人(今日嘅※主教、司鐸、執事)，藉教會嘅祈禱呼求聖神及覆手禮將 分施施行聖事嘅權柄代代相傳。


告解聖事形式
當然現今嘅告解聖事嘅形式並不是宗徒訂立，但係自宗徒時代，宗徒已有赦罪嘅權柄。

後來教會要求罪人要公開及大聲地說出罪過，一些大罪人被逐出教會(開除教藉) 後，如真誠悔放便要响聖灰瞻禮領受聖灰(在其額上以聖灰劃上十字聖號)，作為悔放嘅標記，佢地要做補償、善工，直至聖周四才由主教代表教會重新接納返回聖教會。

最後，聖教會訂立現行告解聖事形式 ，就係私下進行，由已領洗天主教徒(以係面對面或隔著告解屏風)向主教或司鐸 告明罪過，基督 藉著神父或主教 赦免信徒嘅罪過。換句話講仍是基督赦罪，但是藉神父或主教嘅服務 「有形地」、「具體地」顯示呢份赦罪，讓教友感受到天主嘅慈悲。


有關告解嘅討論:
http://jesus.cirs.org.hk/archive_book_show.asp?id=29#p39
http://cathedral.catholic.org.hk/lent/lent_talk03.htm

在下是個小薯仔, 請樓主不用客氣, 謝謝你邀請.
Eric 回答深得我心, 水準比在下高明多了, 看來也不用在下再寫了 ^.^