✔ 最佳答案
假設你個案件為一般普遍的民事訴訟案件,如果你冇按命令入文件,睇下你係咩理由啦....例如你可能唔夠時間準備....等等....你可以用傳票(interparte summons) 或 (如對方同意,以consent summons) 申請延期入文件(延長時限一般為7天的倍數)。
不過,由於是你個人問題而提出延期申請,故此有關申請之訟費你要支付予對方(如對方有律師代表,而又以interparte summons 申請 (要上3分鐘聆訊的話),一般有關訟費為$1,600,如以conesnt summons (不用上庭的話,一般有關訟費為$800)(如對方冇律師代表,則有關訟費一般為(上庭)$400及(不用上庭)$200。該訟費由一般是即付予對方,即由命令發出日起計7天之內)。
案件審訊時是否對我不利?
除左上述訟費後果之外,一段冇咩影響。(除非你不只一次不合理地違反命令,對方又係個官面前詐型啦)。
假設你個案件為一般普遍的婚姻訴訟案件,可以簡單點寫信比法庭申請延期亦可,不過可能都須要支付對方有關訟費。
2011-01-21 17:07:12 補充:
係咩類型案件 ? 一般民事糾紛案件 或是 婚姻訴訟案件 ? 對方有律師代表而你沒有 ? 你之前有沒有曾經出過庭 ? 黎緊既審訊係咩性質(是一般中期(interlocutory)申請) 或是其他? 你是答辯人/被告? 基本上........你要諗定個合理點既解釋......個官第一件事會問點解.....
2011-01-21 17:13:41 補充:
唔知一切詳細情況好難估有咩後果......輕則比個官罵獲金.......重則判你支付相關訟費 (on indeminty basis)。
可能個官最後會比你延期入返文件,但係會係個命令附加penal notice,即係如果你再冇按命令時限入返文件,會被視為干犯contempt of court, 可被判監。
2011-01-22 10:58:36 補充:
咁好明顯你黎緊個聆訊係關於附屬濟助(贍養費)既......而你仍未向法庭遞交的文件不外乎係經濟狀況陳述書(表格E) .....
我建議你最好:-
第一,盡你最大所能於審訊前(愈早愈好)向法庭 存檔經濟狀況陳述書(填完要宣誓),及寄一份副本予對方律師。
2011-01-22 10:58:41 補充:
因為如果你入唔切你關乎你既經濟狀況文件,黎緊個聆訊根本冇野可做,你只係上庭比個官罵,而對方律師出一出庭又白白增加左訟費....個官會再押後下一次聆訊。
我話你知....假設對方即使係由法援律師代表出庭.....(即使以定額訟費來評定有該附屬濟助的聆訊(假設冇涉及子女管養權),有關訟費(上5次庭)已達萬幾元....最後埋單所有訟費你須支付2萬左右.....你早D配合入文件就唔使增加不必訟費!
2011-01-24 11:15:34 補充:
1.如果我繼續不入文件 .案件是否會一直無法開審 ?
應該咁講,如果你今次再不入文件,個法官隨時會頒布附有penal notice的命令,即係話如果你再唔入,就會被視作蔑視法庭,可被判監。
2011-01-24 11:17:33 補充:
2. 我根本不會有錢負訴訟費 .現在訴訟 的財產只有間屋 各佔50%業權 ,而我的一半已經押給了財公司 .......
咁既情況,你仲唔快快手手填左份經濟狀況文件就解決晒啦。
2011-01-24 16:31:20 補充:
其實拖到時間係我主要目的,就算完坐監.案件還是一直無法開審是嗎.?
你咁既想法...我都唔知應該話你傻定係天真.......
因為我怕案件開審完 ,我會什麼都沒有 .同埋無屋住
第一,你是可以要求法庭考慮你離婚後的經濟狀況.........結果唔會係如你所想咁既.........
第二,法庭可因應情況就物業頒布命令.....隨了變賣物業之外........還有很多其他切合雙方須要的安排.......