偽造文書<<誇大學歷>>

除咗等之外, 暫時乜都無得做. 你在口供已經認咗罪, 而家只有睇吓警方告唔告你. 唔告就柯哩陀佛啦. 告你嘅話, 你係斷正兼有認罪口供, 就唯有上庭時認罪, 扮死狗希望法官輕判.如果佢真係告你, 會喺裁判法院審. 你可以自己請律師, 又或者在上庭當日揾當值律師幫你正式認罪兼求情.你可以同個官話 “…失業多時, 急於重投社會 / 賺錢養家 / 生活、唔想成為家人負累 etc etc, 所以先愚蠢犯案, 現已知錯… (下删三百字).重要嘅一定要同個官講嘅係 - 該公司無損失, 你亦除咗可能得到份工外並無得益. 而且佢出糧俾你係你用勞力換取嘅.你呢d case 只會判感化或 CSO (社服令), 唔使坐監嘅, 但留案底就少不免啦. 下次唔好咁儍啦.