攝影問題(對焦/調色)

可以咁講.對於一般DC仔來講,雖然個綠色框係細細個喺中間,但實際上佢已經係整個畫面對焦.相機會對最近的物體對焦.所以即使主體不在中間,其實都會對到焦的.呢個設定叫做廣闊對焦區.
不過並唔係部部相機都係咁.有啲相機可能真係淨係用中間對焦的.廣闊對焦會有好多個四方格在對焦之後話俾你知實際對咗邊度.所以要睇睇說明書確定真實意思.
但廣闊對焦區有個缺點係有時會對咗唔係你想要對既地方(話就話對最近,有時都唔係咁準的).同埋一啲細小既主體佢有機會係睇唔到的,明明在對焦區都會對咗去後面,想要對正你要的地方可以用一種叫spot focus既方式去縮細對焦點.較高階既DC會除咗正中間外,有多過一個對焦點在邊角位等地方,可以應付不在中間的主體,但平機多數真係只得中間一點.不過由於DC景深都比較長,只要唔係影微距的話,你可以用半按對焦後再構圖的方法.一般來講都冇問題的. 如果真係影微距,相機又冇手動對焦又或者手動對焦不支援微距的話,就真係只可以影多幾次,希望對焦點落在你想要的地方了.
至於整到張相綠色又唔用Photoshop.如果你部相機有呢啲內置數碼瀘鏡就最好,冇的話只可以在白平衡入手.例如試下在光管光源下硬性用日光白平衡就會有偏綠效果.其他光源未必做到偏綠,可能係偏其他色,你可以用各種白平衡試下.