呢日我地再出去，因為我拎左佢d野黎睇，但佢唔想比我睇，之後佢就無啦啦係後面攬住我搶返我手拎住既野 ，我個陣話唔比返佢，佢就繼續攬住我 。到臨走個陣，因為個樣野仲係我度，佢話要拎返，但我話遲d先比佢，之後佢又攬住我叫我比返佢，有次佢攬實我hold左10幾秒都唔郁......
到第二日，我放工係門口撞到佢，同佢傾左一陣，之後電梯到所以我就走，我行行下，佢係後面拍我，原來佢專登追上黎同我一齊走， 跟住我地一齊搭車，落車個陣，佢仲約我下星期出去。
但自從個日之後，佢連續有4日都無打過電話比我， 但係我地每日都會sms大家 ，即係呢4日一直keep住send sms，但就無講電話。
其實我想知點解佢突然唔打比我？因為之前佢日日都有打黎的，佢係咪已經對我無feel，但我諗如果佢對我無野，又點會日日都keep住同我sms，點解佢同我sms但又唔打電話比我？點通佢對我既感覺淡左定係有其他原因？因為我覺得佢都係鐘意傾電話既人。
另外想補充，佢係好鐘意周圍識女仔既人，佢會唔會同另一個女仔傾電話所以唔打比我？
更新1:
To: VenusTherese, 我都同意你既講法~ 想再補充: 其實我已經辭左職無做lu，仲有佢係用電話sms我的~~
更新2:
To: VenusTherese, 因為我係好被動個種，平時我都唔會主動打電話比人既.....所以我都無主動打比佢... 我諗如果佢真係想搵我，佢就會打比我的(因為平時都係佢打比我既)，如果唔打，可能佢唔想同我傾，所以我驚我主動打比佢佢反而會唔鐘意...
更新3:
To Siu Mui, 我已經做得好明顯喇, 好似佢有幾次無啦啦攬住我，我個陣都無拒絕佢、有次同佢睇戲，我同佢兩個人一齊飲同一杯野、之前同佢講電話次次都講幾個鐘、宜家每日都會同佢sms。我地係中環返工，有次放工佢要去旺角，我要去將軍澳，我都專登同佢搭到去旺角，之後自己搭返觀塘線返去(兜左成個大圈)，我諗佢都會覺得我對佢有feel掛~_~
更新4:
To Kiyee, 你咁講都有道理，唉…我諗我都係唔好諗咁多，睇下佢想點仲好==
更新5:
To Kiyee, 如果佢再約我出去，咁我應唔應承佢好？如果我真係再同佢出去，佢又攬住我，咁我應該點做？
