所有親朋戚友都認為我垃圾都不如,我想原因係我太過唔識同人溝通,人又唔醒目所致
半年前一位人兄都比過一d方法我去改善自己,佢認為人要學識同人溝通 一. 先要吸取多方面知識(除書本上,報紙,收音機,電視各方面既資訊要經常留意),咁先會同人有話題!! 二. 要大膽釋放自己,多d同人傾計,咁先訓練得到自己口才 第一步對我黎講唔難,我一直都有做,最難反而係第二步,其實我並唔係無試過大膽釋放自己,但每次我釋後自己得出後既結果,係比我收埋自己更加差,我愈係講得多野,人地就愈係憎我,什至想我死,我想原因係因為我講野完全唔識睇對象同睇環境吧! 咁到底我應唔應該再一次勇敢表達我自己?市面有無d咩書或者課程係可以幫到我學識同人溝通? 而家既我正處於人生既最低潮,份工人工低,而除左我父母外,其他所有人都好討厭我同睇我唔起,我讀夜校d人會話我畢業後肯定無人請,話咩31歲先進修根本就晒氣,仲批死我成世要父母養,不單止咁,佢地仲會成日向我炫耀佢地好輕易識到女朋友,話我呢個人身上完全無一樣野值得女仔鍾意 自信心對於一個人黎講好緊要,尤其對於而家呢個想改變自己既我黎講就更重要,但全世界既人都認為我係個完全無優點無長處既人,咁我應該點睇我自己?應唔應該對自己有信心?
更新1:
除左講野唔識睇環境之外,我都成日比人話講野無深度 經我檢討過後,發覺主要原因係因為自己理解能力太低, 導致自己對所有事物都一知半解,樣樣野都只係識個表面
