港中醫院墮胎

係唔冇諗過既時間，仲要短時間之內，決定要唔要個bb，其實已經係個高難度既決定....

基本上，如果冇記錯10周以下bb，醫院都會同你做吸宮手術，

我唔知自己book同有熟醫生介紹有咩分別(除非平d)，因為港中個邊出名係幫人做呢種手術，個邊d醫生都好熟手。

另外如果想平d可以搵家計會轉介….(不過比較耐d，同埋你既情況都應該唔需要) 我只知道如果家計會轉介都係搵註院醫院做。

而手術一般程序如下︰(搵註院醫生)
醫院個邊會同你講幾點前唔好食野。
去到先登記(唔知1定2樓)，等見醫生，照聲波check下個胎幾周，後俾$唔知$200定$300(家計會優惠)，之後俾2粒藥你(擴充子宮用，食左有少少肚痛)，佢會叫你唔好食d藥，等一陣先。先落去地下個層交入院費好似$7300(家計會優惠)，填少少資料，跟住你就可以食個2粒藥。上樓上病房，之後度高、磅重、問你病歷、資料…..

然後佢會叫你去換一件手術用既衫同拖鞋，束好頭髮，有指甲油請抹走，同俾一條床邊櫃的鎖匙你。跟住等醫生黎，醫生會好簡單你幾句問題，之後等入手術室。一個個床位順次序入去做，入到去醫生會幫你麻醉針，之後你就會咩都唔知，到你醒番，你已經係手術室外被人叫醒。之後佢唔要你係病床休息，唔知1定2個鐘，然後叫你飲暖水，再食番個醫院餐(梳打餅一包、肉碎粥一碗)，同埋佢要你叫一次小便(呢個時候可以打開床邊櫃—因為醫院會提供2片m巾，更換你下身個片特大有繩m巾)。手術後，你會發現你會有d好似m痛咁(醫生會問你痛唔痛，而醫生通常都會答番你因為你子宮收縮痛正常)。然後去拎止痛/消炎藥，同埋d手術後注意單張。做晒上面講個d野佢就會俾你出院。

之後手術後(冇記錯一星期後)，覆診一次。 做完手術之後, 個樣, 身型係唔會有變，不過下面會流血(好似m到咁)，不過比m到時會流耐d(2-3星期左右，因人而異)，而d血亦會越來越少…..

做完手術之後(一個月內)，唔可以食生冷、涼野、補野個d，因為d惡露未流清，要等惡露流清先可以進補。(當然如果你d惡露流清，但月經再黎番，你就等m黎完先補喇)。
(不過呢d你做完手術後，醫生都會同你講，仲會俾d單張提醒你。)

手術後，一般12小內不可駕駛同自行煮食(都會有單張提醒你。)