僱員再培訓局(就業掛鈎課程)

(1) 其實你可以打電話去僱員再培訓局book時間做面試，基本上幾日內就會叫你上去面試(2) 其實有2種，如果簡單d的課程，上到培訓局完成了測試後，就會隨即安排面試 另一種係，去學院面試（因為所有課程是由僱員再培訓局與另一間學院合辦的，就例如佢會叫你去港專面試，我只試過城大專業學院）(3) 英文test & 電腦test？ 睇下你讀咩課程，我的經驗就是，佢比份野你做，入面有英文選擇題，比篇英文你，做英文短問答題，仲有, 有普通數學題（唔比用計數機）是計加減乘除%(4) 不能同時間參加僱員再培訓局的全日制課程，要等３個月才申請另一個全日制課程（由你讀現在的課程開始計３個月），可以報讀一d短時間的課程，即係一星期1,2堂，讀幾粒鐘果隻(5)當然可以請假！其實佢係一節節咁計的，上午為一節，下午為一節 所以一日有2節　16全日*2= 32節　32節+10日半日=42節要出席夠80%即係：42*80%=33.6節即係大約要出席17日全日（３４節）才有80%，但勸你唔好請假得咁盡，因為真係病的時候，又夠哂機會，冇得請假就慘，唔夠出席率係唔比考試架！
盡量就唔好改期la！但也不會影響被取錄的結果，但要比佢見到你好有誠意讀完之後會搵工！　其實ｔｅｓｔ果方面你唔使咁緊張，只要你唔好題題唔識就得，我上次做個ｔｅｓｔ，有成板紙未做，都比我讀到
帶什麼資料? 當然是學歷証明啦！最重要係帶身份証！衣著就簡單得啦，T-恤 牛仔褲都冇問題，不過要著得整整齊齊，唔好污污嘈嘈就ＯＫ！

2011-01-27 12:12:35 補充：
其實未必一報就有得讀, 有d人等左1個月,有d等左幾個月, 我之前就一報即刻有得讀：因為我係果班最後報果個
我建議你打去問：
１．請問呢個班幾多人毛開班？
２．大約幾時開到班？
如有需要可問：我是第幾個報？是否近後面的？

2011-01-27 12:16:15 補充：
你可以打去同一同佢講：我要下個月先讀到因家中有事
咁我都建議你打去取消
其實好視乎你果班多唔多人報，如果多的你要取消個面試，唔多的，可能面左試後都要等成個月先讀得
至於電腦ｔｅｓｔ什麼，很抱歉我未試過，沒經驗~

2011-01-27 12:19:54 補充：
ｙｅｓ，要帶最高學歷，工作証明最好帶，但可能唔太重要，因為呢ｄ再培訓課程是讓你讀完後更易搵工，我果時都冇三作經驗，只要比個面試人員見到你好有誠意讀完後”努力”搵工就ＯＫ
要填form的,你只要在當中勾了"待業中"的格仔就可以，後面係要簽名的，証明你所說的是實話，否則政府可能抽籤檢查，查出是講大話就大獲（其實不用緊張）

2011-01-27 12:21:06 補充：
上上上面打錯字，係”請問呢個班幾多人先開班" 唔係"毛"