激光矯視手術的原理及步驟

LASIK (Laser in situ Keratomileusis) 是一種混合手術與激光科技去改善眼角膜形狀，藉以矯正近視，遠視及散光的手術。運用激光科技進行手術，可以極其細緻及準確，因此特別適合用作矯視手術。LASIK 的原理是在角膜表面揭起一塊角膜瓣，再以激光去磨塑角膜瓣下之角膜內層，改善角膜的形狀及弧度，達致矯正視力的效果。磨塑角膜後，以角膜瓣覆蓋原位，使其自然愈合。據稱LASIK 手術直接在角膜內進行，因此其所引起不適的感覺甚少，而角膜霧化及散光的機會亦較細。視力復原的速度亦較其他激光矯視手術快。又說矯正一千五百度以下的近視效果甚佳、能矯正六百度以下的遠視及散光、效果準確、穩定、毋須入院進行、毋須注射麻醉藥、手術衹需數分鐘、即日達成視力矯正效果做了LASIK多年，托賴安好。近日公司又湧現做LASIK潮。同事在老牌私家醫院養和做矯視，結果暫時沒有問題；但原來，做LASIK時有如工廠，先割開一對眼睛的角膜表面，出外等候，另一病人進行同一步驟，六人後，再回到手術室做激光矯視，蓋回角膜瓣，完成。想當年，我是一氣呵成完成整個手術才離開的手術室；萬料不到堂堂著名的養和「淪落」至此，可以收費也要二萬多元；難怪後來者可以群起攻之，有能者，甚至可以迎頭趕上；另一同事在連鎖集團做了LASIK，收費萬二，醫生每次專心為一位病人處理，需時只是廿多分鐘，效果亦相當滿意。如今，多位同事蠢蠢欲動，我們當然支持在在連鎖集團做，不因便宜，眼睛是一生一世的事，LASIK的成敗主力在醫生工多藝熟，大同小異的儀器。又不是產品，始終是人，何必付更多來「享受」流水作業！

激光矯視手術, 原理咪將唔會自己伸縮既lens界到所需正常既弧度, 通常醫生建議有300度以上先做, 最多去到1200度左右, 再深啲就做唔到.

你可以隨便search有關既矯視中心, 或有得做既醫院, 如養和, 聖保祿等, 佢地既網頁有好詳細同專業既解釋, 有圖片的, 希望你睇得明!!

網頁都有風險及手術後護理資料, 好詳細的, 一定好過喺呢度答你

係手術都有風險, 不過激光矯視既風險, 應該唔係好高, 手術前要做一個眼部的詳細檢驗, 睇吓是否適合做手術的

至於會唔會再近視, 呢個視乎個人問題, 唔關個手術既事, 最好係已經發育完成啦. 因為發育期間係會有機會加深近視的, 也要視乎你做完手術後, 有無好好保養同護理雙眼, 一般矯視手術都包六個月內近視加深再做多一次的, 呢個要事前問清楚!!

手術費由一萬至二萬幾不等, 養和係最貴, 唔揀醫生, 都要二萬四左右, 如果指定醫生要加四千至八千不等, 其他激光矯視中心, 通常由萬二至萬八左右, 揀醫生再要加幾千.

有些矯視中心間中會做 promotion, 如二人同行, 平均一個九千至一萬, 呢個要去search吓...
不過好多都同信用咭掛鈎, 可以做免息分期, 可分十二期至廿四期, 睇吓你有邊張咭

政府醫院, 應該只有眼科醫院 (或者沙田威尔斯醫院) 有得做, 但係要收私家價錢, 因為呢啲唔係危及身體健康同性命既手術.

唔使全身麻醉, 成個手術只需5-10分鐘, 只會同你消毒面部同滴麻醉眼藥水. 然後休息大約一個小時, 就可以走得, 連埋手術前詳細講解點樣護理, 大約2-3小時就走得喇!

所有的激光矯視中心或醫院都有講座, 俾有意思做既人去聽, 會由主理眼科醫生主講, 也有初步檢查, 如量度度數及lens厚度等, 也可以發問問題,

不如你book個時間去聽吓啦!