唉~可以幫幫我嗎?

我阿媽就成日發嬲既，仲係成日無緣無故嗰隻，總知佢一鬧人，我一講小小野(其實都有D算係駁咀)，一諗起D好笑既野笑一笑，就會成隻女鬼(尤其是死得好冤嗰隻)咁係度發哂狂咁係度打人。有時仲搵張電腦椅呀，木椅呀，膠椅呀，成張擲埋黎。好耐之前都用過衣架，而家用少D。(以前比佢用衣架打過50次以上。)最嚴重嗰次，係可以攞把菜刀，「啪」一聲拍係枱度，又有幾次嗌住搵把菜刀嚟斬我。雖然我已經問過佢覺得佢似唔似基督徒(因為她是基督徒，已經受浸)但係佢既回應是:(凶神惡煞地)你唔好侮辱我既宗教WO。而且佢又叫我返教會。跟住有一日，我細佬紅眼症，唔返得教會，跟住我都唔想返，想休息一日。(我阿媽逼((的確是逼))我自己返去，跟住我拒絕。跟住佢就軟硬兼施地叫我返去，又話佢送我去巴士站，唔肯之後又搵衣架毒打我。又有一次(發生係琴日同前日。)同佢嗌少少野，佢就係度成隻冤鬼撲埋嚟(前面講過)又用手打，又用腳踢，又用牙咬，又扯頭髮，我阿爸勸佢佢先停。琴日仲慘，我阿爸返大陸返工，又係度用返嗰D手段嚟對我。跟住仲想搵把刀嚟斬我，好彩我細路勸停佢。

唉~真係頂佢唔順，對住佢真係想嘔。而且仲係有冤無路訴嗰隻。之前試過比佢打完之後，諗住打電話報警，點知佢搶左部電話，仲打得勁。又試過明明冇注D水落肥皂盤度，佢又強行屈係我做，邊打邊叫我執。(不得不認，我非常討厭那個肥皂盤。)諸位評評理，這樣難道不叫「硬屈」別人嗎?(簡直是有辱姓孫的名聲)(我阿媽姓孫)
各位可以幫幫我嗎?可以比小小提議我嗎?有冇什麼「計仔」可以不使他的「董卓」姓格復發嗎?同埋幫我下我阿媽有冇狂躁症?上頭版既機率高唔高?答得幾多有幾多!衷心感謝!
(唔該何文達唔好又借題發揮)