扭波and護波一問

✔ 最佳答案

要盤球過人,一定要有耐性同敏捷的反應.當你接近你的對手時,注意住佢雙腳,同時準備佢出腳攔截你,到過波時雙眼睇住個波同集中精神做過波的動作.

先以普通速度帶波,並保持低重心(屈膝),當你對手馬步仲係穩時不要急於過佢,但當佢一失去平衡時(例如佢出腳截你,所以點解守衛標波最蝕底)就可以從佢死腳那邊過.我估你嘅問題在於帶住個波,唔做假動作,一埋去就想硬梆梆推過佢,咁做除非對手動作真係好慢,否則好容易截到你個波,因為佢夠「呀咋」.

問題在於點令佢失去平衡,一般是利用假動作,最簡單易做的假動作莫過於stepover,即係用你慣用嘅腳在波上面跨過個波作推波狀,但唔真係掂到個波,你對手雙腳的重心會轉移,你便從他死腳那邊過佢.

另一個易做的假動作係扮射或扮大腳,當你作勢射或大腳,大部分人的本能反應係避,這時你便可以順利推過佢,或者「岌」過佢.

記住你做假動作時已先想好下一步點做,令你重心轉移比對手快,加上佢要時間轉身,就算佢有幾好的身位,你只要重心轉移動作比他快,佢惟有望住你波衫個號碼跟住你食塵.

至於企定時護波,也是要重心低雙臂微微張開,令對手點撩都撩唔走你個波.如果係推波時護波,那就要避免推個波去對手嘅軌,同時用外邊腳去護波,即右邊用右腳,左邊用左腳.

回答 (2)