想問下關於鄧顯既野(鄧顯的學生請入)

小弟係鄧顯學生, 希望幫到你
1.鄧顯校風嚴唔嚴?
鄧顯校風好嚴, 出名捉得緊, 例如講粗口係一定記大過(shxt都計), 貼紙相, 手機都係違禁品。

2.鄧顯D功課多唔多?平均一日要做幾耐?
好睇你做功課ge速度, 小弟都算快, 放學番屋企7點前做哂功課, 但有時都要做到12點。功課量係多, 但如果上堂有聽書一定識做。

3.鄧顯一個學期有幾多次考試?(聽講都幾多下WO)
一個學期一次測驗+一次考試, 一學年即係4次....小測數量就由老師決定, 學校規定兩個星期交一份功課/小測一次。而上到高form就一學年6次考試(三次測驗+兩次考試+暑期測驗), 即高form暑假係要補課的。我都覺得幾多下, 壓力都幾大。

4.鄧顯管校服管得嚴唔嚴?幾多度下下才可著羽擁?
鄧顯管校服幾嚴, 女仔裙要及膝, 男仔唔可以飛哂恤衫出泥, 亦唔俾著有牌子的皮帶&襪, 小弟係男仔, 管校服感受冇女仔咁深,女仔校服規定比較多。本來學校規定8度先可以著羽絨, 但今年人性化左, 改左市區12度或者學校天文台8度, 而15度或以下就一定要帶校褸。

5.鄧顯比唔比學生離學校食LUNCH?
中一新生已經可以出去食lunch, 由1點食到2點05分。如果想家長送飯或自己帶飯, 學校有蒸氣機。或者可以係學校tuck shop食, 都幾平。

6.鄧顯D阿SIR、MISS嚴唔嚴?又會唔會好似東華三院學校咁有九個訓導主任?
鄧顯ge老師基本上幾nice, 只係當佢地係訓導ge時候就嚴, 鄧顯d訓導都幾多下, 有幾個係特別惡特別嚴ge, 全校都知。

7.鄧顯管宗教管得嚴唔嚴?
鄧顯入面對於宗教係自由的, 唔會迫你信道教, 亦唔會有道教儀式, 不過中一至中三就會有一科生命教育, 主要係講下道德咁, 唔係關於道教儀式, 入面學ge野絕對可以係中文入面用番出泥, 例如係一d聖賢古訓。

8.如果比D比自己大既人蝦，鄧顯D阿SIR、MISS會唔會介入?
如果比D比自己大既人蝦, 訓導會好樂意幫你, 你亦可以去搵社工傾計, 駐校社工都幾好人。學校入面ge prefect都好正直, 不過有時都會正直到令人討厭-.-, 學校亦有老師負責俾意見學生&同學生傾計, 只要你肯話俾老師知, 老師都會幫你。

9.鄧顯D校規似唔似東華三院咁嚴?
鄧顯ge校規都幾嚴, 規定多又煩, 有時都幾唔人性化,例如小息打左預備鐘就唔俾你入廁所, 但而家都有d改善(例如羽絨)。

10.鄧顯D學生好唔好人?有冇D出街成日聊事鬥非既壞分子?
中學生都冇邊個純品嫁喇, 講粗口ge人好多(除左有老師), 但都算乖過其他學校ge。至於出街成日聊事鬥非既壞分子就甚少, 好少聽到呢d事。

11.鄧顯一日有幾多堂?會唔會有攞好多書返學校?
一日有8堂, 每堂40分鐘, 書包都幾重下, 英文好多本書 ,尤其是中四後, 但係學校又唔俾學生放書係locker, 一定要醫生紙證明脊骨有事先可以用locker, 除非老師批准。

12.鄧顯幾時返學、幾時放學?
平日番學番8點20分, 3:35放學

13.有冇聽過前輩講，鄧顯D學生出去做野既態度係咪好有問題?
鄧顯D學生出去做野態度我又冇聽過有咩問題啵, 只係上大學成日俾人屈機, 因為中學時老師push得好勁, 學生比較被動。

14.鄧顯校齡耐唔耐?D設施完唔完善?
校齡29, 一般耐啦, d設施麻麻, 尤其學校個server, 真係比較唔掂, 學校有3個籃球場, 1個足球場(好細), 而家學校將好多野電腦化, 更新左d設施, 同學番學用拍卡點名制, 每個課室都有一部電腦, 亦有電腦室同校園電視台, 設備唔算勁, 但有改善空間。學校亦有4個lab, phy chem bio IS各一, 亦有地理室, 設施夠用。不過學校近年整左個茶水間,有超大部電視, 勁靚, 但淨係俾老師入, 學生GE設施我真心覺得唔夠囉, 有少少覺得係資源錯配。整體泥講, 設施僅僅足夠, 有好大改善空間。同其他學校比, 鄧顯資源係少d, 但夠用ge。起碼學生基本上堂ge資源足夠。雖然設施唔夠, 但鄧顯依然係北區最好果間中學, 資源係唔夠, 但成績好就得啦。

1.鄧顯是一間校風良好的學校，所以在校規方面是會比較嚴一點的，特別對一些中一新入學的學生（可能是因為想培養自小的好習慣吧），在檢查校服和儀容整潔方面會“捉”得比較緊。【在市區溫度12度或以下可穿羽絨】，不過這都是一些基本的規矩，如果你按照校規的話，是沒有任何問題的。
2.功課方面要視乎當天的情況和不同老師而定，通常在12點前能做完的，這要看你的速度有多快，每個人每一天做功課的時間都不一樣。
3.鄧顯的中一學生都已可以外出吃午餐。
4.除了要上‘生命教育’課外，基本上沒有其他與道教有關的東西。
5.鄧顯一天上8節課，有時候只需要帶很少書，有時候書包則會很重，不定的。

*對不起·，有些問題我也不太清楚，而且時間有限，不能詳盡，但也希望以上資料能幫到你。

你可以參考以下網址
http://www.comingzoo.com
http://www.pf23.com

我自己都去開, 希望可以幫到你~ ^T^
比我20分!