好煩牙!! 5知自己咩事...

你無乜事,只係有d自卑同對自己無信心咋!
唔喜歡打機,唔想出街無乜問題吖,無同朋友一齊一個人出街都無興趣啦!
你因為對自己無信心,覺得人人睇唔起你,所以唔識點去處理人際關係,變成無乜朋友,同姊姊哥哥關係都唔好咯!
我認為你有幾樣野要注意的,每個人都一定有優點同弱點,雖然有d野比人差,但一定有d野比人叻,所以唔需要自卑呀!
做人最緊要做好自己本份,15歲,應該要識想,如果係讀書,就俾心機讀得成績好d,咁咪唔再自卑啦!
人際關係好重要,如果無乜朋友又同屋企人唔啱,咁想搵人同自己講下野都難啦,你話幾悶呢!
同人講野要先想清楚,千祈唔好得罪人,對人親切有禮貌d,咁人際關係會好d,朋友都多d呀!
屋企係大家有份,你要幫手做家務,唔好乜都唔理,同阿姊阿哥講野要有禮貌d,唔好互相呼呼喝喝,就萛佢地講錯,自己都唔出聲咁就唔會大家成日吵架啦!
仲有你爸媽又點呢?佢地唔理你地咩?
如果同屋企人關係好d,一齊出街都有伴呀!
無論如何,只要你做好自己,自然會回復信心唔自卑啦!

只係無自信的宅女而已，唔係唔正常唔駛咁緊張。唔鍾意打機去街無問題，唔係人人都一定要喜歡戶外活動，但自卑的性格就會令你在生活上遇到更多難題。一個人無自信經常自卑心作崇，多半人際關係唔好，如果你係唔笑個d人，就容易比人唔易相處的感覺，多數無咩朋友。除左對人，自卑的人因無咩自信，覺得樣樣野都做唔掂驚驚青青，自我感覺唔好囉。

有得改就梗係要改啦！有自信心做任何事都得心應手好多

唔鍾意打機 無問題

唔鍾意出街 有問題

覺得次人一等 有問題

出咗街有强烈自卑感 有問題

無咩fd 無問題

有個姊, 成日鬧交 正常

有個哥, 成日打架 唔正常

其實我覺得你係無乜自信,你可以試下識多啲朋友,約朋友出下街扮下靚咁,自信都會多啲,就算自己係唔中意出街都好,都試下逼自己出街,日日淨係留係屋企其實有時都會令你人際關係差啲,因為你無嘗試去同其他人來往!仲有你同屋企人既關係點都要搞返好,試下多啲同佢地傾下計,唔好郁啲就嗌交.仲有女仔唔中意打機係一件唔出奇既事泥架^_^