中5畢業到韓國留學問題(15點)

我幾年前响延世大學讀完書返黎, 希望以下資料岩你用...



1. 我諗你未諗清楚, 你去韓國讀d 咩野... 你係想入大學升學, 定係只係想留响韓國, 求其搵野讀?



其實韓國的學校多到不得了, 你先要揀地方(seoul, busan, jaeju....) 韓國唔同香港, 大好多好多... 好似大陸咁, 你去北京讀書同去廣州讀書都差好遠



揀左地方, 你就要諗自己想讀咩學校(大學, high school, college.....)韓國亦好多唔同的學校, 有政府, 有私立, 亦有藝術學院, 工業學院, 演藝學院, 舞蹈學院.... 咁你過去係想學咩呢?



你問題問有冇學校會收? 一定會有既, 咁多學校, 但唔知你想讀咩, 俾唔到意見你.... 以我為例, 我讀延世是自己考入去的, 因為佢係首爾第一大學, 所以都幾難入.... 收費方面, 間間學校都唔同, 所以都答你唔到, 如果以延世黎計, 我一年學費大約12萬左右... 依家won 升左, 所以學費亦即係貴左( 我去果時對65, 今日睇已經對82)



2. 呢個問題好多人都問過, 你可以check 番, 呢度唔多講... 香港學校都好多, 不過如果你係諗住去韓國的話, 咁你心入面應該有一個時限, 咁樣又可以縮窄范圍, 你打算學幾耐先過去呢? 一個短期課程定放一,兩年响香港再過去呢? 你想試下韓文岩唔岩自己再決定去唔去定係你必定會過去唔理自己掂唔掂呢? 呢d 都係你考慮在香港讀幾耐的因素.



3. 去韓國讀書, 手續好簡單, 首先你搵左邊間學校先, 之後睇佢有咩要求, 有d 要面試, 有d只係睇成績, 而我讀果間要飛去考試... 每間唔同, 如果佢收左你, 佢會俾一張入學通知書你, 你拎住張入學通知書, 相, 銀行有十萬蚊以上的儲蓄戶口, 擔保人資料等, 去韓國領事館辦理學生visa, 佢地會幫你搞.



4. 住方面, 有好多選擇, 首先, 你睇下你揀間學校有無宿舍, 一般宿舍有平有貴, 有單人房有幾個人一間房, 如果唔想住宿舍, 可以响出面租屋住, 其實都要睇你學校响邊區, 係市中心定係好偏遠... 我以前因為唔鍾意住宿舍, 加上學校在市中心, 所以自己租屋住, 價錢都係有平有貴, 睇你要求啦



香港人想响韓國搵野做? 你可以响韓國做d 咩先, 好難講易唔易... 睇你識做d 咩... 如果你英文都好勁, 可以做韓英翻譯, 咁就好易搵... 如果你响香港搵野做都覺得難, 又或者唔知自己想做咩, 咁去到第二個國家就梗係仲難啦! 同埋, 你話你唔識韓文, 姐係要搵d 會請你但又唔洗你講野既工, 咁你可以做d 咩? 有d 餐廳會請清潔, 但人工好低, 你怕唔怕dirty?



5. 絕對唔會, 我咁耐都未試過, 只要你尊重佢地的文化



6. 要注意禮儀, 韓國係禮儀的國家, 好多野要留意要學過, 如果唔係人地會覺得你唔尊重佢地國家, 會俾人鬧... 衣物果d 都無咩特別, 香港人成日都買日韓服裝架啦, 又咪係果d



7. 都唔會既, 但你本身個人要獨立, 同埋乜野自己一個人都搞得掂囉, 我以前, 廁所塞左, 燈泡燒左都唔識整, 但去到乜都要自己黎囉



8. 定居? 如果你係移民, 咁咪要投資移民, 幾多錢唔記得....如果你唔係移民, 係住一排, 咁你學生visa過期前搵到野做, 公司幫你申請到working visa 都無問題



9. 好nice, 如果你明白佢地文化... 有d人覺得佢地粗魯, 其實佢地本來就係中國北方人, 係豪情姐, 明白左, 就無咩, 我反而覺得佢地無香港人咁冷淡, 咁現實tim...



10. 韓國一般都11月中到3月頭都落雪, 我試過最凍係零下18度... 天氣好乾, 春天無香港咁多雨, 天氣唔錯, 夏天會比香港熱多3-4度, 韓國好少打風, 但一打就好勁...總之佢熱會比香港熱, 凍會比香港凍囉, 唔知你怕唔怕凍, 但拎定羽絨, 我怕你頂唔順



以上資料應該夠你用, 因為聽落你依家都好初步, 你要先定立左自己目標, 想點先, 之後再慢慢plan... 自己一個女仔, 諗清楚自己能力同經濟, 再決定點樣plan 囉!!!

001 Kevin
You are not answering any question asked by the author
Instead you are just a copycat, copying an answer from another person (vikki)
http://hk.knowledge.yahoo.com/question/question?qid=7006091300457

2011-01-22 03:54:15 補充：
If you are that vikki, you should be able to answer all the above 3 questions easily and then add your own opinion, instead of just copying an "old" answer