私家車P牌比人告不小心(請求各位師兄幫忙)

本人不是專家, 但可以提供少少意見:
係會extand半年P牌，會有信通知。 任何駕駛者觸犯任何在《道路交通條例》（第 374 章）中的 59 項違例項目時，除了要繳付指定的定額罰款或被 法庭定罪外。
另外在大尾督又比雷射槍，在時速限制50km路段上,超速20km，阿SIR話我行70km係不會扣減任何風速。
私家車P牌不小心駕駛定罪后你要自行到任何本港運輸署通知運輸署比45元extand半年(1年費因為要90元，所以半年45元)但extand后再犯任何輕微道路交通違例事項如:超速的話，法例寫明有可能吊消臨時駕駛執照(個法例寫到無棱兩可，因為佢真係寫有可能，唔係本人講有可能。)亦須要重考，若因犯嚴重道路交通違例事項，如瘋狂駕駛，非法賽車、不小心駕駛、危險駕駛、酒後駕駛或危險駕駛引致他人死亡定罪而一次過扣十分的話要須重考，無須延期。




2011-01-16 21:09:56 補充：
P牌無扣分制， 因為你第一次違反交通例就要加監半年，再犯就要再考過個牌，你連犯兩條好大可能要extand一年P牌，仲有同法官求情都無用，除非你能打甩不小心架駛。

倘持有暫准駕駛執照的司機觸犯一次「輕微」道路交通違例事項﹝即是根據《道路交通﹝違例駕駛記分﹞條例》﹝第 375 章﹞第 4 條，可令駕駛者被記 3 分或 5 分違例事項，或在這項暫准駕駛執照計劃中所引入的四項限制中任何一項﹞，一經定罪，其暫准駕駛期將 延長 6 個月；

倘持有暫准駕駛執照的司機觸犯一次「嚴重」道路交通違例事項﹝即是根據《道路交通﹝違例駕駛記分）條例》﹝第 375 章﹞第 4 條，可令駕駛者被記10 分或以上的違例事項﹞，或觸犯兩次或以上「輕微」道路交通違例事項，一經定罪，其暫准駕駛執照會即時被 取消。

跟據運輸署以上準則, 不小心駕駛 (可被扣5分), 加超速過15公里 (可被扣3分), 兩次輕微違例事項都定罪的話, 你個P牌會被即時取消, 要再考過. P牌係無扣分制, 只有上述的規定.

聽落你兩條罪都入既機會好大.

第一, 撞人車尾係香港交通法好大機會都會判你錯, 因為即使前車停低, 你都應該可以有足夠距離停車, 否則, 你一係跟車太貼, 或者係車速過快. 告你的人, 係特區政府, 唔係前面個司機, 個司機追唔追究同差人告唔告你無必然關係, 道唔道歉更加無影響, 道路交通條例無話道歉就可以算數, 另外, 由於有人去過醫院, 理論上都可以叫做TAPI (TRAFFIC ACCIDENT WITH PERSON INJURED), 一定係交通接CASE, 交通一接, 而有人受傷, 佢地差不多一定會告是但一方 (或者兩個都告).

第二, 雷射槍 (以前俗稱豬肉槍), 告得你, 已經扣左4公里誤差, 所以扣出黎個數無得再減, 我亦都勸你無謂求請, 因為呢支槍係無紀錄 (所以以前有D人叫佢做豬肉槍, 因為佢地覺得可以用黎砌人生豬肉), 上到法庭, 會有兩個差人証明佢地偵測到你超速及截停你的經過, 呢類CASE, 法官差不多信晒差人, 所以又係入硬.

所以, 唔好諗住打甩以上兩條罪, 你倒不如花D時間, 儲錢交罰款, 儲錢再考牌, 同埋用呢段時間, 好好諗清楚道面駕駛應有的態度及智慧吧.

2011-01-17 22:22:20 補充：
要補充的是, 超速個條, 差人應該係用定額告票告你的, 你一交罰款, 就等同認罪, 隨即定罪. 除非你唔認, 唔交錢, 同時向警察中央交通違例檢控組投訴 (地點: 灣仔軍器廠街警察總部警政大樓31樓), 或上網填寫"投訴不公允定額罰款告票表格" www.police.gov.hk 甚至係帶埋張告票去任何一間報案室投訴都得 (不過最好唔好用最後的方法, 除非你好彩, 遇到個友善的差人, 否則......)

警察就會跟據你的投訴作跟進, 不過成功機會就...... 又要去比口供, 又要比機會D差人串你, 所以除非你無左個車牌連生計都有問題, 否則都係慳番D時間好過.

2011-01-17 22:40:29 補充：
仲有, 你話個事主唔追究, 但係佢地經過其他人比意見之後, 最後一定會係法庭度力指你的錯誤的, 並且會話自己事後呢度痛, 個度痛, 因為你一入罪, 佢地就可以輕易CLAIM你三保去填筆整車費, 呢筆錢都可以幾"甘"下.

雷射槍扣除誤差4KM都有16，已經要扣3分，屬一個輕微，已經要延長P牌半年，若果不小心駕駛被判罪成的話，要再重新考牌。